पिएफए वर्ष खेलाडीको अवार्ड लिभरपुल फरवार्ड सलाहलाई

सुरक्षा/अपराध

नेपाल लाइभ सोमबार, वैशाख १०, २०७५ ०२:५६

एजेन्सी– प्रोफेसनल फुटबलर एसोसियसन(पिएफए)ले हरेक वर्ष प्रदान गर्दै आएको वर्ष खेलाडी(पुरुष)को अवार्ड यस वर्ष लिभरपुलका फरवार्ड मोहमद सलाहले जितेका छन्। वर्ष २०१७/०१८ को लागि २५ वर्षीय सलाहले केभिन डि बु्रनी, ह्यारी केन, लिरोय सेन, डेभिड सिल्भा र डेभिड डि गियालाई भोटमा पछि पार्दै अवार्ड हात पारेका हुन्।

बिबिसीले आफ्ना पाठकहरुमाझ गरेको भोटिङमा ६ खेलाडीमध्येबाट सलाहलाई सर्वाधिक ७६ प्रतिशत मत मिलेको थियो। केभिनले १४ प्रतिशत मत प्राप्त गर्दा म्याचेस्टर युनाइटेडका गोलकिपर गियालाई ६ प्रतिशतले मन पराएका थिए।

टोटनह्याम हट्सपरका केनलाई ३ तथा सिल्भालाई मात्र १ प्रतिशत मत मिलेको थियो। सेनले भने कुनै पनि प्रशंषकको मन जित्न नसकेको बिबिसीले जनाएको छ।

इंग्लिस प्रिमियर लिगको २०१७/०१८ को सिजनमा सलाहले लिभरपुलका तर्फबाट ३३ खेलमा ३१ गोल गरिसकेका छन्। इजिप्टका फुटबलर सलाह यो वर्षको गोल्डेन बुटको दाबेदारीमा अग्रपंक्तिमा समेत छन्।

महिलातर्फ भने चेल्सीकी फ्रान किर्बीले वर्ष खेलाडीको अवार्ड जितिन्।

त्यस्तै म्यान्चेस्टर सिटीका सेन तथा ब्रिस्टोल सिटीकी लौरेन हेम्पले क्रमशः पुरुष र महिलातर्फको युवा खेलाडी पुरस्कार जिते।

पिएफए टिम अफ दि इयरमा भने म्यानचेस्टर युनाइटेडका ५ खेलाडी परेका छन्। सो टोलीमा सलाह, केन तथा डि गियालाई समेत सामेल गराइएको छ। उता महिलातर्फ भने चेल्सीका ५ खेलाडी वर्ष टोलीमा पर्न सफल भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आजको मौसमः देशका पहाडी क्षेत्रमा आंशिक बदली, वर्षाको सम्भावना

जिप मादी नदीमा खस्दा ३ जनाको मृत्यु, २ जना घाइते

प्रतियोगिताबाट बाहिरिसकेको दिल्लीले पञ्जाबलाई ६ विकेटले हरायो