काठमाडाैं- चितवनकाे माडीका चेपाङहरूको आवास निर्माणका लागि समाजसेवी तथा चक्रपथ सरसफाइ अभियन्ता ताराबहादुर कुँवरले नगद रकम हस्तान्तरण गरेका छन्। गएको साता चितवन राष्ट्रिय निकुञ्जले कुसुमखाेला जंगलमा बस्दै आएका चेपाङहरूको टहरामा डोजर र आगो लगाएर बस्ती उठाएको थियो।
समाजसेवी कुँवरले ४१ हजार रुपैयाँ चेपाङ बस्ती निर्माणका लागि दिएका हुन्। सो रकम माडी वडा नम्बर ९ का वडा अध्यक्ष शिवहरि सुवेदीको रोहवरमा चेपाङ बस्ती निर्माण समिति गठन गरी हस्तान्तरण गरिएको हो। समाज सेवा गर्दै आएका कुँवरले यसअघि पनि काठमाडौंमा १६ हप्ता खाद्यान्न लगाएतका सामग्री राहतस्वरुप बाडेका थिए।
कोभिड १९ को असरले समस्यामा परेकालाई कुँवरले राहत बाडेका हुन्। यसबाट ११ सय घरपरिवार लाभान्वित भएका थिए। नेपाल हेभी इकुप्मेन्ट महासंघका अध्यक्षसमेत रहेका चक्रपथ सरसफाइ अभियन्ता कुँवरकाे सहयाेगप्रति चेपाङ र माडी ९ का वडा अध्यक्षले धन्यवाद दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1780635603.gif)
-1784970764.png)
-1764146706.png)
-1784873618.png)
