फाइल फाेटाे
काठमाडौं– गौतम बुद्ध अन्तर्राष्ट्रिय विमानस्थलमा जडान गरिने उपकरण आउन थालेका छन्। उपरकण कोरोनाका कारण विदेशमै रोकिएका थिए। विमानस्थल निर्माण आयोजनाका प्रमुख इन्जिनियर प्रवेश अधिकारीका अनुसार कोरोनाका कारण चीनमा रोकिएका उपकरण नेपाल भित्रिन थालेका हन्।
‘कतिपय सामान नेपाल भित्रिएको छ,’ अधिकारीले भने, ‘कतिपय सामान विदेशकबाट नेपाल आउने प्रक्रिया सुरु भएको छ। कतिपय बाटोमा आइपुगेका छन्।’ विमानस्थल निर्माणमा उपकरण जडानको काम रोकिएको थियो। उकपरण आउने प्रक्रिया सुरु भएसँगै विमानस्थल निर्माणले तीव्रता लिने उनको भनाई छ।
सरकारले विमानस्थल निर्माणको समय पनि पुनः थप गर्दै २०२० को डिसेम्बर पुराइसेको छ। अब विमानस्थल निर्माणको काम तोकिएको समयमा सम्पन्न हुने अवस्थमा पुगेको अधिकारी बताउँछन्।
यो आयोजना सन् २०१५ मा सुरु भई सन् २०१७ को डिसेम्बरमा सम्पन्न हुने अपेक्षा गरिएकोमा उक्त अवधिभित्र निर्माण सम्पन्न हुन नसकेपछि संशोधित कार्यतालिकाअनुसार ३१ मार्च २०२० मा सम्पन्न गर्ने लक्ष्य लिइएको थियो। उक्त समयमा पनि निर्माण सम्पन्न नभएपछि पुनः समय थप भएको छ। यो आयोजनाको कूल लागत ३० अर्बभन्दा बढी भइसकेको छ।
विमानस्थल निर्माणका लागि जग्गाको मुआब्जा वितरणमा मात्रै २३ अर्बभन्दा बढी खर्च भएको छ।
त्रिभुवन अन्तर्राष्ट्रिय विमानस्थलको वैकल्पिक अन्तर्राष्ट्रिय विमानस्थल निर्माणमार्फत् दिगो पर्यटन विकास गर्ने लक्ष्यसहित रुपन्देहीको भैरहवास्थित गौतम बुद्ध विमानस्थलको निर्माण थालिएको थियो। विमानस्थलको रन–वे ३ हजार मिटरको हुनेछ। साथै विमानस्थलमा अन्तर्राष्ट्रिय भवन, एयरपोर्ट अपरेशन, प्रशासनिक भवन, कन्ट्रोल टावर, अग्नि नियन्त्रण तथा जीवनोद्धार भवनलगायत सञ्चार तथा पथ प्रदर्शक सामग्री जडान गरी अन्तर्राष्ट्रिय विमानस्थलको रूपमा स्तरोन्नति गर्ने उद्देश्य सरकारको छ।
हालसम्म रन-वेको निर्माण कार्य सम्पन्न भएको, टर्मिनल भवनको संरचना सम्पन्न भई ९० प्रतिशत भइसकेका छ। अहिले विमानस्थलमा फिनिसिङ कार्य र उपकरण जडानको काम भइरहेका छ। कतिपय उपकरण भने कोरोनका कारण आउन सकेका थिएनन्। चालु आवका लागि विनियोजन भएको रकम भने ५० प्रतिशत पनि खर्च हुन सकेको छैन।
कहाँ पुग्यो काम?
विमानस्थल निर्माणको काम अहिले अन्तिम चरणमा पुगेको छ। विमानस्थल सञ्चालनका लागि चाहिने पूर्वाधार र उपकरण हो। आइसिबी जिरो १ (पूर्वाधार निर्माण)को काम ९३ प्रतिशत सम्पन्न भइसकेको छ।
आइसिबी जिरो २ (सञ्चार उपकरण तथा सर्भिलेन्स जडान) पनि भइरहेको छ। अन्तर्राष्ट्रिय विमानस्थल सञ्चालनका लागि कस्टम, अध्यागमन, क्वारेन्टाइन, एयरलाइन्सहरुलाई उडान अनुमतिलगायतका काम पनि भइरहेका छ।
दक्षिण एसियाली पर्यटन पूर्वाधार विकास परियोजना अन्तर्गत रहेको यो विमानस्थल निर्माणमा एसियाली विकास बैंक एडिबीको सहयोग छ। यो परियोजना कूल ८५.५५७ मिलियन डलरको हो। प्राधिकरणले चिनियाँ कम्पनीसँग आइसिबी–१ का लागि ७८.३ मिलियन डलरमा सन् २०१४ नोभेम्बर १३ मा सम्झौता गरेको थियो। विमानस्थल निर्माण चिनियाँ कम्पनी नर्थ वेस्ट सिभिल एभिएसनले गरिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
