एफए कपको फाइनलमा पुग्दै म्यानचेस्टर युनाइटेडले बनायो इतिहास

सुरक्षा/अपराध

नेपाल लाइभ शनिबार, वैशाख ८, २०७५ १८:२९

म्यानचेस्टर- टोटनह्यामलाई पराजित गर्दै म्यानचेस्टर युनाइटेड एफए कप फुटबल प्रतियोगिताको फाइनलमा प्रवेश गरेको छ।

शनिबार अबेर राति सकिएको खेलमा म्यानचेस्टरले टोटनह्यामलाई २-१ गोलले हराउँदै फाइनलमा स्थान बनाएको हो। योसँगै म्यानचेस्टरले एफए कपमा सवैभन्दा बढी पटक फाइनलमा स्थान बनाउने रेकर्ड बराबरी गरेको छ। टोटनह्यामलाई हराउँदा म्यानचेस्टर २० औं पटक फाइनलमा पुगेको हो।

खेलमा १ गोलले पछि परेको अवस्था उल्टाउँदै म्यानचेस्टरले जित हात पारेको हो। म्यानचेस्टरका लागि एलेक्सिस सान्चेजले २४ मिनेटमा बराबरी गोल गरेका थिए। एन्डर हेरेराले ६२ मिनेटमा अर्को गोल गरेपछि म्यानचेस्टर २-१ गोलले अघि बढेको थियो।

त्यसअघि ११ मिनेटमा टोटनह्यामका डेल अलीले गोल गरेर आफ्नो टिमलाई सुरुवाती अग्रता दिलाएका थिए।

अब म्यानचेस्टरले उपाधिका लागि चेल्सी वा साउथह्याम्टन मध्ये एकसँग भिड्नेछ। दुई क्लबबीच दोस्रो सेमिफाइनलमा आइतबार प्रतिस्पर्धा हुँदैछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय