प्रतीकात्मक तस्बिर
धादिङ- धादिङमा भैँसी बचाउन जाँदा पहिरोले पुरिएर गएराति एक जनाको मृत्यु भएको छ। थाक्रे गाउँपालिका–६ रानीबारी कार्की गाउँमा पहिरोमा पुर्दा ५४ वर्षीय सानुबाबु पन्थको मृत्यु भएको जिल्ला प्रहरी कार्यालयका सूचना अधिकारी प्रहरी नायब उपरीक्षक रुपक खड्काले जानकारी दिए।
राति गोठमाथिबाट पहिरो झर्न लागेपछि भैँसी फुकाउन जाँदा गोठमा पहिरोले थिचेर पन्थको ज्यान गएको हो। पहिरोले पुरेर एउटा भैँसी र एउटा बाख्रासमेत मरेको स्थानीयवासी हरि थापाले बताए। यससहित जिल्लामा बाढी पहिरोबाट मृत्यु हुनेको सङ्ख्या पाँच पुगेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770562345.jpg)
-1764146706.png)
