एजेन्सी- बलिउडका चर्चित सेलिब्रेटीहरु फेक फलोअर्स स्किममा फसेका छन्। पैसा दिएर फलोअर्स उच्च देखाउने, रिट्वीट गराउने र लाइक्स बढाउने गरेको भन्दै प्रहरीले अनुसन्धान थालेको छ। मुम्बई प्रहरीले फेक फलोअर्स स्किम घटनामा बलिउड अभिनेत्री प्रियंका चोपडा र दिपिका पादुकोण पनि रहेका छन्।
उनीहरु बाहेक अन्य ८ बलिउडका सेलिब्रेटीहरु यो प्रकरणमा प्रहरीको अनुसन्धानमा तानिएका हुन्। प्रहरीले उनीहरुसँग सोधपुछ गर्न सक्ने देखिएको छ। सञ्चार माध्यममा आएका समाचारअनुसार बलिउडका सेलिब्रेटीसँगै खेल क्षेत्रका व्यक्तिहरुको नाम पनि यो प्रकरणमा जोडिएको छ। प्रहरीको रिपोर्टअनुसार कम्तिमा १० सेलिब्रेटीको नाम आएको छ जसले पैसा दिएर फलोअर्स बढाएको, ट्वीटरमा रिट्वीट गराएको र फेसबुक लाइक बढाउन पैसा दिएको देखिएको छ।
मुम्बईको ज्वाइन्ट कमिश्नर विनय कुमार चौबेले अनुसन्धानमा ५४ जना यस्तो कार्यमा संलग्न रहेको पाइएको बताएका छन्। ज्वाइन्ट कमिश्नरका अनुसार क्राइम ब्रान्च र साइबर सेल मिलेर यसमा अनुसन्धान गरिरहेको छ। यो प्रकरणमा अनुसन्धानका लागि दुवैलाई मिलाएर एसआइटी बनाइएको छ। जसले यो प्रकरणमा विस्तृत अनुसन्धान गर्नेछ। केही दिनअघि प्रहरीले एक अन्तराष्ट्रिय र्याकेट समूहको पर्दाफास गराएको थियो। यो र्याकेट गायिका भूमि त्रिवेदीको उजुरीपछि खोजी गर्दा फेला परेको थियो।
यसरी गर्यो र्याकेटको भण्डाफोर
गायिका भूमि त्रिवेदीले ११ जुलाईमा प्रहरी कार्यालयमा एक जाहेरी दिएकी थिइन्। कसैले इन्स्टाग्राममा उनको फेक प्रोफाइल बनाएको र त्यसलाई उनको अफिसियल एकाउन्ट भएको दाबी गरिएको थियो। बिस्तारै फलोअर्स बढ्दै गएपछि उक्त समूहले बिजनेश डिल गरेको प्रहरीले दाबी गरेको छ। उजुरीपछि एफआइआर दर्ता भएपछि प्रहरीले गहिरो अनुसन्धान शुरु गर्यो।
क्राइम ब्रान्चको एसआइटीले यो प्रकरणमा सुरुमा एक व्यक्तिलाई पक्राउ गर्यो। पक्राउ परेको व्यक्ति सामाजिक सञ्जालमा फेक आइडी बनाउने गर्दथ्यो। मुम्बई मिररको रिर्पोटअनुसार प्रहरीले यस्ता १०० पोर्टल फेला पार्यो‚ जसले फेक फलोअर्स दिन र प्रभावकारी प्रोफाइल बनाउने डिल गर्दथ्यो। यसरी पक्राउ परेको व्यक्तिको नाम अभिषेक दवाडे थियो।
ऊ यस्तै एक साइटसँग आबद्ध रहेको थियो। प्रहरीको भनाइअनुसार ऊ अन्तर्राष्ट्रिय र्याकेटको एक सदस्य थियो। यो र्याकेट अलग अलग सोशल मिडियाको प्लेटफर्ममा करोडौंको फेक परिचय बनाएर फेक फलोअर्स, फेक कमेन्ट, फेक न्यूज, फेक भ्युज र लाइक बनाउने गरेको प्रहरीको अनुसन्धानमा पाइयो।
उनीहरु फेक फर्ममेन्स तथ्यांक समेत बनाउने गर्दथे। प्रहरीका अनुसार भारतमा १०० पोर्टलहरु यस्तै र्याकेटमा सहभागी रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
