काठमाडौं- देशका मुख्य नदीहरुमा पानीको सतह घट्दो क्रममा रहेको जल तथा मौसम विज्ञान विभागले जानकारी दिएको छ। कन्काई, कमला, बागमती, नारायणीलगायतका नदीहरुको बहाब घट्दो क्रममा रहेको विभागले जनाएको हो।
विभागका महानिर्देशक सुरज वैद्यका अनुसार कोसी र त्यसका सहायक नदीहरुमा पानीको बहाब बढ्दो क्रम छ। 'कोसी र त्यसका सहायक नदीमा पानीको सतह बढ्दो क्रममा रहेपनि कन्काई, कमला, बागमती, नारायणी, पश्चिम राप्ती, बबई र केही सहायतक नदीहरुमा पानीको बहाब घट्दो क्रममा छ। यस्तै, महाकाली, कर्णाली र त्यसका सहायक नदीमा बहाब घट्दो क्रममा रहेको छ। कन्काई, कमला, बागमती नदीमा बहाब घटबढ हुने सक्छ।'
गत २४ घण्टामा कन्काई नदी रहेको स्थानमा ९८ दशमलव ४ मिलिलिटर पानी परेको छ। यस्तै भैरहवामा ६४ दशमलव ५, गल्कोटमा ७४ दशमलव २ मिलिलिटर पानी परेको उनले बताए। अहिले देशभरको मौसम बदली रहेको छ। प्रदेश ५ र गण्डकी प्रदेशमा हल्का वर्षा भइरहेको छ। आगामी २४ घण्टामा प्रदेश १, २ ५, बागमती र गण्डकी प्रदेशका केही स्थानमा भारी वर्षाको सम्भावना रहेको बताए।
देशका अधिकांश स्थानमा वर्षा नभएपनि वर्षा नै नहुने भन्ने नभएको उनको भनाइ छ। ऊर्जा, जलस्रोत तथा सिँचाई मन्त्रालय अन्तरगतको जलस्रोत तथा सिँचाई विभागका महानिर्देशक मधुकर प्रसाद राजभण्डारीले पूर्वी राप्ती, भेरी, कन्काई, कमला, इनाउ, पश्चिम राप्ती बबई महाकाली लगायतका २१ वटा नदी आफ्नो कार्यक्षेत्र भित्र रहेको बताए।
महाकाली, कर्णाली, बबई, नारायणी, रुपाताल संक्षण, बक्राह, कोशी, बागमती र कमला लगायत १० वटा नदी नियन्त्रणको जिम्मेवारी पनि आफ्नो मातहत आउने उनले उल्लेख गरे। गत आर्थिक वर्षमा ४७ किलोमिटर तटबन्द निर्माण भएको उनले बताए। गत वर्ष १ सय ९० हेक्टर जग्गा डुबान हुनबाट जोगाइएको पनि उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
