काठमाडौं- टोखा नगरपालिका-१ तासीडाँडामा पहिरो जाँदा एकै परिवारका दुई बालबालिकाको ज्यान गएको छ। ज्यान जानेमा रामकुमार रानामगरका ३ वर्षीय छोरा सचिन रानामगर र ३ वर्षकै छोरी सन्ध्या रानामगर रहेका महानगरीय प्रहरी वृत्त महाराजगञ्जका डिएसपी रोशन खड्काले जानकारी दिए।
उनीहरु जुम्ल्याहा रहेको प्रहरीले जनाएको छ। मंगलबार खान खानेबेलामा पहिरो गएर घर पुरिदाँ उनीहरुको ज्यान गएको हो। सो ठाउँमा अन्य १० जना मानिस पनि थिए। उनीहरु भने पहिरो जान थालेपछि भाग्न सफल भएका थिए।
रानामगरको परिवारको घर धनकुटाका हो। उनी काठमाडौंमा मजदुरी गर्दै आएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
