काठमाडाैं- निजी विद्यालयका छाता संगठन प्याबसन, एनप्याब्सन र संस्थागत विद्यालय शिक्षक युनियनबीच ४ बुँदे सहमति भएकाे छ।
विद्यालयले शिक्षक र कर्मचारीकाे तलब नरोक्ने, शिक्षकहरुले आन्दोलन नगर्ने सहमति भएको संस्थागत विद्यालय शिक्षक युनियनका अध्यक्ष होमकुमार थापाले जानकारी दिए। 'प्याब्सन, नेसनल प्याब्सनले आफ्नो पेसागत मागहरु पूरा गराउन नेपाल सरकार शिक्षा, विज्ञान तथा प्रविधि मन्त्रालयसमक्ष राखेको ज्ञापन-पत्रमा साउन १ गतेबाट शिक्षक कर्मचारीलाई बेतलवी घर बिदा दिने भन्ने शब्दावली फिर्ता लिने। इस्टुले पेसागत हितका लागि घोषणा गरेका प्याब्सन, नेसनल प्याब्सन केन्द्रित आन्दोलनका कार्यक्रम फिर्ता लिने,' विज्ञप्तिमा भनिएकाे छ, 'निजी विद्यालयमा कार्यरत शिक्षक कर्मचारीको गत शैक्षिक सत्र २०७६ (२०७६ चैत्र मसान्त)को सम्पूर्ण दायित्व निर्वाह गर्न तत्काल सदस्य विद्यालयहरुलाई निर्देशन दिने। गत शैक्षिक सत्रको वक्यौता सङकलनका लागि संयुक्तरूपमा व्यावहारिक पहल गर्ने।'
यस्तै शैक्षिक सत्र २०७७ को लकडाउन/अध्यापन सूचारू नभएको अवधिको हकमा शिक्षक कर्मचारीलाई व्यावहारिक रूपमा भुक्तानी गर्दै जाने र थप विषय कार्यदलमा छलफल गरी निष्कर्षमा पुग्ने सहमति पनि भएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
