खाँदबारी-संखुवासभाको सिलिचोङ गाउँपालिका-१ सिसुवाखोलाको बेसिन्दा गाउँमा आज बिहान पहिरो जाँदा सात घर बगाएको छ। पहिरोले बगाएर ११ जना सम्पर्कविहीन भएका छन्।
अविरल वर्षापछि आज बिहान गएको पहिराेले सिसुवाखोलाको बेसिन्दा गाउँ पहिरोले बगाएको हो। प्रहरी घटनास्थलतर्फ गइरहेको जिल्ला प्रहरी कार्यालयका प्रमुख प्रहरी नायब उपरीक्षक नवराज मल्लले बताए।
अहिले पनि भारी वर्षा भइरहेको छ। घटनाको थप विवरण आउन बाँकी छ। रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।