मोहाली- क्रिस गेलको शतकबाट प्रेरित किंग्स इलावेन पञ्जावले आइपिएल क्रिकेटमा तेस्रो जित हात पारेको छ। पञ्जावले बिहीबार राति सकिएको खेलमा सनराइजर्स हैदरावादलाई १५ रनले पराजित गरेको हो।
चार खेलमा पञ्जाव ३ खेलमा विजयी हुँदा एक खेलमा पराजित भएको छ। यता लगातार तीन जित हात पारेको हैदरावाद भने चौथो खेलमा पराजित भयो।
गेलले शतक प्रहार गरेपछि मजबुत स्कोर खडा गरेको पञ्जावले दिएको १ सय ९४ रनको लक्ष्य पछ्याएको हैदरावादले ४ विकेटको क्षतिमा १ सय ७८ रन मात्र जोड्न सक्यो। उसका लागि मनिष पाण्डेले ४२ बलमा नटआउट ५७ रन जोडेपनि जितका लागि पर्याप्त हुन सकेन। उनले ३ चौका र १ छक्का प्रहार गरे। यस्तै सकिब अल हसनले पनि १२ बलमा नटआउट २४ रन जोडे।
त्यसअघि कप्तान केन विलियमसन ५४ रन जोडेर आउट भएका थिए। उनले ४१ बलमा ३ चौका र २ छक्का प्रहार गरे। युसुफ पठान १९ रनमा आउट हुँदा पहिलो बल समाना गर्दा रिटायर्ड हर्ट भएका थिए। अर्का ओपनर ऋद्धीमान साह पनि ६ रनमा आउट भए। बलिङतर्फ पञ्जावका मोहित शर्मा र एन्ड्रियु टेले २-२ विकेट लिए।
त्यसअघि टस जितेर पहिले ब्याटिङ गरेको किंग्स इलाभेन पञ्जावका गेलले सनराइजर्स हैदरावाद विरुद्ध ५८ बलमा शतक प्रहार गरे। खेलमा गेल १ सय ४ रनमा नटआउट रहे। उनले ६३ बल खेल्दा १ चौका र ११ छक्का प्रहार गरे। आइपिएलमा गेलको यो छैटौ शतक हो।
पञ्जावले ३ विकेटको गुमाएर १ सय ९३ रन जोडेको थियो। पञ्जावका लागि आरोन फिन्चले ६ बलमा नटआउट १४ रन जोडे। त्यसअघि लोशेक राहुल १८ रनमा आउट भए। मंयक अग्रवालले १८ रननै जोड्दा करुण नइरले २१ बलमा ३१ रन जोडे। उनले ३ चौका र १ छक्का प्रहार गरे।
बलिङतर्फ हैदरावादका भुवनेश्वर कुमार, रसिद खान र सिद्धान्त कौलले १-१ विकेट लिए। रसिद खानले ४ ओभरमा ५५ रन खर्चिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791545631.png)
-1786602170.png)
