काठमाडौं- जापान सरकारले मानव संशाधन विकास छात्रवृत्ति (ह्युमन रिसोर्स डेभलपमेन्ट स्कलरसिप) कार्यक्रमअन्तर्गत नेपाललाई ४० करोड ७० लाख रुपैयाँ (३६ करोड ५० लाख जापानी येन) अनुदान दिएको छ।
उक्त कार्यक्रम आर्थिक वर्ष २०७७/७८ मा लागू हुनेगरी नेपालका तर्फबाट अर्थसचिव शिशिरकुमार ढुंगाना र जापानका तर्फबाट नेपालका लागि जापानी राजदूत साइगो मासामिचिले बुधबार हस्ताक्षर गरेका छन्। कार्यक्रम कार्यान्वयनका लागि अर्थमन्त्रालयका सहसचिव एवं वैदेशिक सहायता तथा समन्वय महाशाखा प्रमुख श्रीकृष्ण नेपाल र जापान सहयोग नियोग (जाइका)का नेपाल प्रमुख आसाकुमा युमिको ले हस्ताक्षर गरेका छन्।
सरकारी कर्मचारीलाई २ वर्षे स्नातकोत्तर तथा ३ वर्षे पिएचडी कोर्षका लागि विभिन्न विश्वविद्यालयमा अध्ययन गर्न लाग्ने शैक्षिक शुल्क, आवास शुल्कलगायत शीर्षकमा छात्रवृत्ति दिइनेछ।
सन् २०१६ देखि २०१९ सम्म पहिलो फेजका रुपमा संचालन भएको यो कार्यक्रमअन्तर्गत हालसम्ममा ८० जना सरकारी कर्मचारीले छात्रवृत्ति पाइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
