काठमाडौं- आईएसकेयु इन्टरनेशनल अनलाइन कराते काता च्याम्पियनसिप २०२० मा नेपालले पाँच स्वर्ण पदक जितेको छ। नरहरिपुर कराते डोजो, मच्छेगाउँ, चन्द्रागीरी ९ की सञ्जु देसारले महिला क्याडेट ईभेन्ट्समा स्वर्ण जितिन्। उनले श्रीलङकाकी एसएभी देभमिनी डि सिल्भालाई पराजित गर्दै स्वर्ण प्राप्त गरेकी हुन्।
यस्तै ७ बर्षमुनिको स्पर्धामा आयोजक भारतका सात्विक खेतानलाई पराजित गर्दै नेपालका प्रशन्न घर्ती मगरले स्वर्ण जिते। ८ वर्षमुनिको स्पर्धामा सत्कार घर्ती मगरले स्वर्ण जिते। उनले श्रीलङकाका थरुशा लकमललाई पराजित गरेका थिए। यसै गरी महिला १० वर्षमुनिको स्पर्धामा दिक्षा महताराले स्वर्ण जितिन्। उनले ईरानकी साबा रोहीलाई पराजित गरेकी थिइन्। जुनियर क्याटेगोरी अन्तरगत नेपालका प्रनिल मानन्धरले स्वर्ण जिते।
इन्टरनेशनल सोतोकान कराते युनाइटेड (आईएसकेयु) र ईन्स्टिच्युट अफ सोतोकान कराते युनाइटेड (आईएसकेयु) को संयुक्त आयोजनामा भएको च्याम्पियनसिपमा नेपालका खेलाडीहरुले ४ रजत पनि जित्न सफल भएका छन्। रजत जित्ने खेलाडीहरुमा पुरुष क्याडेटतर्फ मनिष कार्की रहेका छन्। यस्तै महिला ९ वर्षमुनिको स्पर्धामा स्वेता तामाङ र १३ वर्षमुनिको समूहमा श्रृजना महताराले रजत प्राप्त गरे। जुनियर क्याटेगोरी अन्तरगत सुनिल खड्काले रजत जिते।
२ जुलाईदेखि संचालन भएको च्याम्पियनसिपमा ९ वर्षमुनिको पुरुष स्पर्धामा मुकेश खड्का, १० वर्षमुनिका स्पर्धामा ओन्तो घर्ती मगर र १३ वर्षमुनिको स्पर्धामा अमृत थोकरले कास्य पदक प्राप्त गरे। जुनियर क्याटेगोरी अन्तरगत यस्तै लोकमान श्रेष्ठले कास्य पदक जिते, सोहि विधा अन्तरगत महिलातर्फ श्रद्धा थापाले कास्य जितिन्।
च्याम्पियनसिप ५ जुलाईसम्म संचालन हुने प्रशिक्षक एवं खेलाडी रविन्द्र मानन्धरले जानकारी गराएका छन्। मानन्धरले सद्गुरु मास्टर्स अनलाईन कराते काता च्याम्पियनसिप २०२० मा नेपालका लागि रजत पदक जित्न सफल भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
