काठमाडौं- रुपन्देही, बारा र पर्सा जिल्लाबाट शनिबार नेपाल प्रवेश गरेको सलह किराको फौज एक दर्जनभन्दा बढी जिल्लामा फैलिएको छ। कृषि तथा पशुपन्छी विकास मन्त्रालयले आइतबार पत्रकार सम्मेलन गर्दै भैरहवा, पाल्पा, स्यांजा, सिन्धुली, रामेछाप, चितवन, मकवानपुर, काभ्रेलगायत जिल्लामा फैलिसकेको जानकारी दिएको छ।
प्लान्ट क्वारेन्टाइन तथा विषादी व्यवस्थापन केन्द्रका प्रमुख सहदेव हुँमागाईंले भैरहवाबाट बुटवल हुँदै पाल्पा र स्याङ्जासम्ममा सलह फैलिएको बताए।
त्यस्तै सिन्धुलीमा पुगेको झुण्ड चियाबारी क्षेत्रतर्फ पुगेको छ भने पर्सामा निकै सानो झुण्डमात्रै पुगेको छ। पाल्पाको दोभानमा सलह पुगेको मन्त्रालयले पत्रकार सम्मेलनमार्फत जनाएको छ। रामेछापको केही स्थान, चितवनको राष्ट्रिय निकुन्ज, भरतपुर महानगरपालिका र कालिका नगरपालिकामा फैलिएको छ।
मकवानपुर पालुङ र काभ्रेको फलामेटार क्षेत्रमा सलह देखिएको छ। यी दुई जिल्लाको सीमाना क्षेत्रमा सलहका झुण्ड देखिएका छन्। शनिबार बारामा देखिएको सलह त्यहाँ सामान्य क्षति गरेर जिल्लाको सैनामैना क्षेत्र हुँदै पश्चिमतिर उडान भरिरहेको छ।
यी विभिन्न जिल्लामा फैलिएका सहलका स–साना झुण्ड एकै ठाउँमा लामो समय नबस्ने र स्थान परिवर्तन गरिरहने भएका कारण बालीनालीमा खासै ठूलो क्षति नपुर्याएको मन्त्रालयले जनाएको छ।
हावाको बहावसँगै एक ठाउँबाट अर्को ठाउँ पुग्ने सलह भारतबाट अझै दुई तीन दिनसम्म आइरहने सम्भावना देखिएको छ। जल तथा मौसम विज्ञान पूर्वानुमान महाशाखाले भारलको सलह प्रभावित क्षेत्रबाट हावाको बहाव नेपालतर्फ हुनसक्ने र त्यसको गतिसँगै मध्य तराईका जिल्लामा सहल प्रवेश गर्न सक्ने अनुमान गरेको हुँमागाईंले बताए। भारतको राजस्थानबाट दिल्लीतर्फ आइरहेको झुण्ड नेपालतर्फ आयो भने ठूलो क्षति पुर्याउने उनको भनाइ छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1735996375.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
