काठमाडौं- क्वारेन्टाइनमा बसेका व्यक्तिलाई कोरोना परीक्षण नगरी घर पठाउन स्वास्थ्य तथा जनसंख्या मन्त्रालयले दिएको निर्देशनले कोरोनाको जोखिम समुदायमा पुग्ने त्रास बढेको बाजुराको बूढीनन्दा नगरपालिका उपमेयर सृष्टि रेग्मीले बताएकी छन्। मन्त्रालयको निर्देशन अनुसार भारतबाट आएर क्वारेनटाइनमा बसेका नागरिकहरूलाई कोरोना भाइरस संक्रमणको पिसिआर परिक्षण नै नगरी घर पठाएको प्रति असहमति जनाउँदै उनले यस्तो बताएकी हुन्।
नगरपालिकाले बनाएको क्वारिन्टाइनमा बस्दै आएका २५ जनालाई बिना कोरोना परीक्षणका घर पठाइएपछि उपमेयर रेग्मीको थियो। आरडिटी परीक्षण गर्दा पोजेटिभ आएकाका ४ जनालाई पनि 'होम क्वारेनटाइनमा बस्नू' भन्दै घर पठाइएको थियो। शनिबार मात्र २१ जनालाई घर पठाइएको हो।
आरडिटी रिर्पाेट पोजेटिभ आएका व्यक्तिहरूको पनि पिसिआर रिर्पोट नआउँदै घर पठाउने निर्देशन केन्द्रबाट आइरहेको उपमेयर सृष्टी रेग्मीले बताइन्। ‘भारतबाट आएका व्यक्तिहरूलाई होम क्वारेन्टाइनमा बस्नू भनी घर पठाएको भनिए पनि उहाँहरूको होम क्वारेन्टाइनमा बस्ने सम्भावना न्यून छ,’ उनले सामाजिक सञ्जाल फेसबुकमा लेखेकी छन्‚ ‘संक्रमणको जोखिम समुदायस्तरमा पुगेको छ। अहिले क्वारेन्टाइनमा बसेकालाई पिसिआर टेस्ट पनि गर्न नसकेको अवस्थामा पछि समुदायस्तरमा गएर सम्पूर्णलाई पिसिआर गर्न सक्ने अवस्था देखिँदैन।’
छलफल बिनै केही जनप्रतिनिधि र कर्मचारीको क्वारेन्टाइनबाट घर पठाउने मन्त्रालयको निर्देशनले नगरपालिका उच्च जोखिममा पुगेको उनले दाबी गरेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
