धनगढी- कैलालीमा एक नवजात शिशु मृत अवस्थामा फेला परेका छन्। धनगढी उप–महानगरपालिका- ३ को मोहना नदीमा भर्खरै जन्मिएको शिशु मृत फेला परेको हो। मेहोना नदीमा मृत शिशु बगेर आएको अवस्थामा फेला परेको जिल्ला प्रहरी कार्यालय कैलालीका प्रहरी निरीक्षक हिक्मत बहादुर थापाले जानकारी दिए।
नदीमा शिशुको शव बगिरहेको अवस्थामा देखेपछि स्थानीयले प्रहरीलाई खबर गरेका थिए। मृत अवस्थामा भेटिएको शिशु फाल्ने व्यक्तिको पहिचान भने हुन नसकेको प्रहरीले जनाएको छ।
उता कञ्चनपुरमा पनि एक जनाको शव फेला परेको छ। भीमदत्त नगरपालिकामा बुधबार साँझ एक जना पुरुषको शव भेटिएको कञ्चनपुर प्रहरीले जनाएको छ। भीमदत्त नगरपालिका–१८ र १५ को सीमा (गोबरिया) नहर नजिकै भीमदत्त नगरपालिका जानकीटोलका ४० वर्षीय शिवराज बिकको शव भेटिएको वडा प्रहरी कार्यालय महेन्द्रनगरका प्रहरी निरीक्षक मोहनजंग बुढथापाले बताए।
मृतक बिक केही दिनदेखि घरपरिवारको सम्पर्कमा नरहेको समेत प्रारम्भिक अनुसन्धानबाट खुलेको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
