प्रधानमन्त्री रोजगार कार्यक्रमबाट २ लाखले रोजगारी पाएको सरकारको दाबी

श्रम-रोजगार

नेपाल लाइभ मंगलबार, जेठ १३, २०७७ १७:४८

काठमाडौं- सरकारले गत आर्थिक वर्ष २०७५/०७६ मा ल्याएको प्रधानमन्त्री रोजगार कार्यक्रमबाट करिब साढे २ लाखले रोजागरी पाएको दाबी गरेको छ। अर्थमन्त्री युवराज खतिवडाले संसदमा पेस गरेको चालु आर्थिक वर्ष २०७६/०७७ को आर्थिक सर्वेक्षणमा १ लाख ८८ हजार ३ सय ६७ जनाले रोजगारी पाएको उल्लेख गरेका छन्।

यसरी रोजागरी पाउने युवाले औसतमा १२ दशमलब ४३ दिने रोजगारी पाएको सर्वेक्षणमा उल्लेख छ। जसमा सबैभन्दा बढी सुदूरपश्चिम प्रदेशका ४० हजार ३ सय ८४ जनाले ७ लाख ७७ हजार २३ दिन बराबरको रोजगारी पाएको आर्थिक सर्वेक्षणमा उल्लेख छ।

यसैगरी कर्णाली प्रदेशका ३३ हजार ३ जनाले औसतमा ३ लाख ६९ हजार २२ दिन, प्रदेश ५ का २९ हजार ५ सय ५२ जनाले ४ लाख ४२ हजार ७ सय २२ दिन, गण्डकी प्रदेशका १६ हजार ८ सय ६१ जनाले १ लाख ८० हजार ७ सय ५ दिन, बागमती प्रदेशका १८ हजार ५ सय ७ जनाले २ लाख १४ हजार ५ सय १५ दिन, प्रदेश २ का २८ हजार ६ सय ९७ जनाले ३ लाख ३८ हजार ८ सय २३ दिन र प्रदेश १ का २१ हजार ३ सय ६३ जनाले ३ लाख १९ हजार २ सय १० दिन बराबरको प्रधानमन्त्री रोजगार कार्यक्रम बाट रोजागरी पाएको सर्वेक्षणमा उल्लेख छ।

कूल ७ सय ५३ स्थानीय तह मध्ये ६ सय ४६ स्थानीय तहले ७ हजार ४ सय ६९ आयोजना सञ्चालन भएको समेत सर्वेक्षणमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

तीनकुने घटना: संयुक्त जनआन्दोलन समितिका सल्लाहकार सेढाई पक्राउ

एयर होस्टेसलाई बदनियतपूर्वक छुने यात्री विमानस्थलबाटै पक्राउ

नीति तथा कार्यक्रममाथि ३७ संशोधन प्रस्ताव