फाइल तस्बिर
काठमाडौं- समाजवादी पार्टीका सांसद् तथा पूर्व स्वास्थ्य राज्यमन्त्री डा सुरेन्द्र यादवले आफूलाई अपहरण गरिएको भन्दै दिएको उजुरी सरकारी वकिलको कार्यालयले दर्ता गरेको छ। सोमबार सरकारी वकिलको कार्यालय काठमाडौंले डा.सुरेन्द्र यादवले दिएको अपहरणसम्बन्धी जाहेरी दर्ता गरेको जानकारी दिएको हो। उनले दिएको उजुरीको १०४७ नम्बरमा दर्ता भएको छ।
यसअघि डा यादवले सोही कार्यालयमा उपस्थित भएर जाहेरी दर्ता गराउन माग गरेका थिए। तर कार्यालयले निवेदन छोडेर जान र अध्ययपछि दर्ता गर्ने भन्दै फर्काएको थियो।
राष्ट्रिय मानव अधिकार आयोगमा पनि उजुरी दर्ता गराएका छन्। सांसद महेश बस्नेत र कृष्णकुमार श्रेष्ठ (किसान) र पूर्वप्रहरी महानिरीक्षक सर्वेन्द्र खनालले अपहरण गरेको भन्दै उनको उजुरी कार्यालय र आयोग दर्ता भएको हो।
यसको काउन्टरमा सांसद् यादवले आरोप लगाएका तीनै जनाले पनि आयोग कार्यालय हरिहर भवन पुगी डा. सुरेन्द्र यादवको अपहरण नगरेको भन्दै आफूहरु निर्दोष रहेको जिकीर गर्दै निवेदन दर्ता गराएका छन्।
आफूलाई सांसदहरु बस्नेत र श्रेष्ठ तथा पूर्व आईजीपी खनालले अपहरण गरेको भन्दै आफ्नो मानव अधिकार रक्षा गरिदिन माग गर्दै डा. यादवले वैशाख १८ गते आयोगमा उजुरी दिएका थिए ।
यादवको उजुरीमा छानविन शुरु नहुँदै उनीहरुले काउन्टर उजुरी दर्ता गराएका हुन्। यादवले उजुरी दिएको चार दिनपछि आयोग पुगेका आरोपित सांसद र पूर्वआईजीपीले आफूहरुले अपहरण नगरेको भन्दै अर्को निवेदन दिएका हुन्।
महोत्तरीस्थित घरमै रहेका डा यादवलाई नेकपा सांसद बस्नेत, श्रेष्ठ र पूर्वआईजीपी खनालले वैशाख १० गते काठमाडौं ल्याएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1785139095.jpg)
-1764146706.png)
