एजेन्सी–बलिउडका दिग्गज अभिनेता ऋषि कपुरको असामयिक निधनले सम्पूर्ण फिल्मजगत तथा फिल्मप्रेमीहरु स्तब्ध छन्। बुधबारमात्र अर्का अभिनेता इरफान खानलाई गुमाएको बलिउडले आज बिहीबार अर्का दिग्गज अभिनेता गुमाउनुपर्यो।
यही सन्दर्भमा बलिउड गायिका लता मंगेश्करले आफ्नो आधिकारिक ट्वीटर अकाउन्टबाट एउटा तस्बिर सार्वजनिक गरेकी छन्,जसमा उनको काखमा छन्, बालक ऋषि कपुर।
लताले फोटोका साथ लेखेकी छन्, ‘केही समयअघि ऋषिजीले मलाई यो तस्बिर पठाउनुभएको थियो। ती दिन सम्झिरहेको छु, म शब्दहीन भएकी छु।’
लताले अर्को ट्वीटमा लेखेकी छन्, ‘के भनुँ, के लेखुँ, केही पनि सोच्न सकिरहेकी छैन, ऋषिजीको निधनले मलाई निकै दुःख लागिरहेको छ, उनको निधनले फिल्म उद्योगले धेरैथोक गुमाएको छ, यो पीडा सहन मेरा लागि धेरै गार्हो भएको छ, भगवानले उनको आत्मालाई शान्ति देऊ।’
यसैगरी, अर्का हस्ती अभिताभ बच्चनले पनि ऋषि कपुरलाई श्रद्धान्जली दिएका छन्। कैयौं फिल्ममा सँगै काम गरेका अमिताभले ऋषि कपुरको निधनले आफू दुःखी भएको भन्दै ट्वीट गरेका छन्। बीबीसी हिन्दीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791196217.png)
-1791194094.png)
-1786602170.png)
-1791090469.jpeg)
