कोरोनासँग लड्दै ९८ वर्षीय चिकित्सक

कोरोना अपडेट

नेपाल लाइभ बुधबार, वैशाख १७, २०७७ १६:४९

एजेन्सी- डाक्टर क्रिश्चियन चेनेको ९९ औं जन्मदिन आउन केही समयमात्र बाँकी छ। तर कोरोना भाइरसको महामारीका बेला उनी संक्रमितहरूको सेवा र उपचारमै खटिइरहेका छन्। सेवामा आबद्ध भएको ७० वर्ष पुगिसकेका उनी फ्रान्सका सबैभन्दा वृद्ध डाक्टर हुन्। अझै पनि पेरिसको सानो सहरमा बिरामीको सेवा गर्ने मन छ उनलाई।

कोरोना महामारी सुरू हुनुअघि पेरिसको त्यही सुनसान सहरमा अवस्थित उनको सुनसान कोठा अहिले कोरोना संक्रमितहरूले भरिएको छ। आफ्नो पालो आओस् भन्ने ध्येयले मानिसहरू टाढा टाढादेखि त्यहाँ आउने गर्छन्।

French doctor still treating patients at 98

फ्रान्समा स्थानीय डाक्टरहरूको कमी भएका कारणले पनि उनले बिरामीको सेवामा खटिनलाई इच्छा व्यक्त गरेका हुन्।

विश्वमै स्वास्थ्यका दृष्टिकोणबाट हेर्दा अरूभन्दा अगाडि देखिएपनि चिकित्सकहरूको अभाव एक संकटको कारण बनिरहेको छ।
‘म झण्डै ९९ वर्षको भएँ। त्यसकारणले गर्दा पनि मैले मेरा क्रियाकलाप घटाउनुपर्ने हुन्छ।’ डाक्टर चेनेले भने‚ ‘म पहिलाको भन्दा केही ढिलो काम गर्छु‚ किनकी मैले आफ्नो पनि स्वास्थ्यको ख्याल राख्नुपर्छ।’

उनकोमा जचाउन आउने धेरै बिरामीका अनुसार पेरिसको उपनगरका रूपमा रहेको त्यो सानो सहरमा १९ हजार जनसंख्याका लागि जम्मा तीन जना डाक्टर खटिएका छन्।

‘मानिसलाई छुट्टै राख्ने सम्भाव्यता हामीसँग छैन। हामीसँग को बिरामी हो र को होइन भनेर छुट्याउन सक्ने पर्याप्त साधन समेत छैन। मैले केही बिरामीहरूसँग भेटेको छु। जहाँसम्म लाग्छ उनीहरूमा कोरोना संक्रमण पोजेटिभ छ। मलाई पनि कोरोना भाइरस पोजेटिभ हुनसक्ने प्रवल सम्भावना छ। किनकी पछिल्ला केही दिनयता मलाई पनि कोरोनासँग मिल्दा जुल्दा लक्षणहरू देखिएका छन्।’ डाक्टर चेनेले भने।

French doctor still treating patients at 98 - Reuters

तर उनलाई जब कोभिड-१९ सँग मिल्दोजुल्दो लक्षणहरू देखापर्न थाले‚ त्यसबेलादेखि क्वारेन्टाइनमा छन्। कसैसँग भेट गरेका छैनन्।

‘मैले यी सबै कुरा छाड्नुर्‍यो किनकी त्यहाँ मेरो केही पनि सुरक्षा थिएन।’ उनी सुनाउँछन्‚ ‘यदि म हेल्चेक्र्याईं गरेर बाहिर निस्किएको भए‚ यसरी अरूको सेवा गर्ने अवसर पाउँदैन थिएँ। म एउटा भाइरसको हटस्पट भइसकेको हुनेथिएँ।’

आजभन्दा करीब ७० वर्षअघि दोस्रो विश्वयुद्ताका एक वरिष्ठ फिजिसियनसँग डाक्टर चेनेले जेनेरल प्राक्टिसनरको रूपमा सेवा प्रदान गरेका थिए।

À 97 ans, le plus vieux médecin de France joue encore du stéthoscope

अहिले उनको सेल्फ क्वारेन्टाइनको अवधि सकिएको छ। उनी फेरि फोनबाट अरूलाई सल्लाह दिँनेगरी काममा फर्किएका छन्।

‘दोस्रो विश्वयुद्धबाट फर्कएकाहरूमा टाइफसको संक्रमण देखिएको थियो। तीमध्ये थोरै मानिस थिए‚ जसले स्वास्थ्यकर्मीबाट उपचार पाएका थिए। हामीसँग मास्क थियो। हामीसँग संक्रमणबाट बँच्ने कपडा थिए। हामीसँग त्योबेला ग्यास मास्कहरू थिए।’ चेनेले भने।
अलजजिराबाट

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।