क्विन्सल्यान्ड– कमनवेल्थ खेलकुदका लागि अष्ट्रेलिया पुगेका ८ जना क्यामरुनका खेलाडी बेपत्ता भएका छन्। क्यामरुन टिमका सुचना अधिकारी सिमोन मोलोम्बेले उनीहरु आफु बस्दै आएको होटलमा नभेटिएकोले प्रहरीमा खबर गरेको बताएका छन्।
३ जना भारोत्तोलनका खेलाडी र ५ जना बक्सर सम्पर्कबाहिर रहेको बताइएको छ। उनीहरुलाई सोमबार र मंगलबार विभिन्न समयमा अन्तिम पटक होटलमा देखिएको थियो।
क्यामरुनले भने अष्ट्रेलियाका लागि खेलाडीहरुसँग आगामी मे १५ सम्मको अधिकारिक भिसा रहेको बताएको छ।
‘खेलाडीहरुको व्यवहारबाट हामी निकै लज्जित महशुष गरिरहेका छौँ।’, मोलोम्बेले भने,‘ भाग्नेमध्ये केहीले अाफ्नाे खेलसमेत खेल्न बाँकि नै छ।’
‘उनीहरु समयमा फर्किनेछन् र खेलमा सहभागी हुनेछन्। अन्य खेलाडीसँगै उनीहरु पनि आफ्नो घर फर्किनेछन्।’, उनले अाशा व्यक्त गरे।
अष्ट्रेलियाली सरकारले भने खेलाडीलाई तोकिएको भिसाभन्दा बढी समय अष्ट्रेलियामा रहन स्विकृति नदिने स्पष्ट पारेको छ। उता कमनवेल्थ खेल एसोसियशनले भने घटनाले हालको अवस्थालाई वर्णन गरेको तर भिसाको अवधीसम्म खेलाडीलाई यात्राका लागि कुनै रोकतोक नलगाइने स्पष्ट पारेको छ।
अष्ट्रेलियाली संघीय प्रहरीलाई घटनाको बारेमा अनुसन्धान तथा सम्पर्कमा नरहेका खेलाडीको खोजीकार्य सुरु गर्न क्विन्सल्यान्ड राज्यका मन्त्री केट जोन्सले निर्देशन दिएका छन्।
यसअघि सन् २०१२ को लन्डन ओलम्पिकको दौरानमा पनि क्यामरुन ७ खेलाडी भागेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791562069.png)
-1786602170.png)
