कोरोना भाइरसको छानबिन हुनुपर्ने माग चीनद्वारा अस्वीकार

कोरोना अपडेट

नेपाल लाइभ शनिबार, वैशाख १३, २०७७ ०८:११

एजेन्सी–कोरोना भाइरस सुरुवातको विषयमा स्वतन्त्र छानबिन हुनुपर्ने मागलाई चीनले अस्वीकार गरेको छ।

बेलायतस्थित चिनियाँ कूटनीतिज्ञ चेन वेनले यस्तो माग राजनीतिप्रेरित रहेको र कोरोनाविरुद्ध चीनको लडाइँलाई कमजोर गर्ने प्रयत्न भएको बीबीसीलाई बताए।

चीनमाथि कोरोना भाइरस संक्रमण सुरु भएपछि पारदर्र्शीता नअपनाइएको र सूचनालाई लुकाइएको आरोप पश्चिमा मुलुकले लगाउँदै आएका छन्। भाइरसको सुरुवात चीनको वुहान सहरस्थित पशु बजारबाट भएको अनुमान गरिन्छ ।

युरोपेली संघको रिपोर्टमा पनि चीनले कोरोना भाइरससँग सम्बन्धित सही सूचनालाई सार्वजनिक गर्न नदिएको जनाएको छ। अमेरिकी राष्ट्रपति डोनाल्ड ट्रम्पले पनि यस विषयमा लगातार चीनको आलोचना गर्दै आएका छन्।