काठमाडौं- चिनियाँ स्मार्टफोन निर्माता कम्पनी साओमीले स्मार्ट फोनका अलावा घरायसी सामानका साथै खेलकुद सामग्रीसमेत बनाउँदै आएको छ। यस्तैमा भविष्यको साधनको रूपमा हेरिएको इलेक्ट्रिक सवारीसमेत बनाएको छ।
साओमीले इलेक्ट्रिक स्कुटर वानएस सार्वजनिक गरेको छ। यो स्कुटर एक पटकको फुल चार्जमा ३० किलोमिटरसम्म कुदाँउन सकिन्छ। साओमीको वानएसको टप स्वीड २० किलोमिटर प्रतिघण्टा रहेको छ।
यो स्कुटरमा भिजुअल इन्टर्याक्टिभ ड्यासबोर्ड र डुअल ब्रेक सिस्टम रहेको छ। स्कुटरमा विभिन्न ३ मोड इनर्जी सेभिङ मोड (इको), नर्मल मोड (डी) र स्पोर्टस् मोड (एस) उपलब्ध छ। स्कुटरको स्वीच बटन दुई पटक थिचेपछि स्वतः अर्को मोडमा जान्छ।
फुल चार्जमा ३० किलोमिटर माइलेज दिएपनि यसमा इनर्जी रिकभरी सपोर्ट सिस्टमसमेत छ। साओमीले यो स्कुटर फिल्डिङ डिजाइनमा बनाएको छ। यो डिजाइन निक्कै अत्याधुनिक रहेको छ। साढे १२ किलो तौलको यो स्कुटर फोल्डिङ गर्न समेत सजिलो छ।
यो स्कुटरको राइडिङ स्टेटससमेत चेक गर्न सकिन्छ। कम्पनीले विकास गरेको एक एपमार्फत् स्कुटरको अवस्था र यो कति चल्यो वा कुन अवस्थामा छ सहजै थाहा पाउन सकिन्छ।
साओमीले इलेक्ट्रिक स्कुटरको मूल्य १ हजार ९ सय ९९ युआन तोकेको छ। यसको नेपाली मूल्य करिव ३५ हजार रुपैयाँमा पर्छ। हाल यो स्कुटर चीनमा मात्र उपलब्ध रहेको छ। केही समयपछि विश्वका विभिन्न देशमा बिक्री हुने अनुमान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
