दार्चुला- महाकाली नदीमा ट्युबमार्फत् अवैध रुपमा मानिस तार्ने एक युवा ट्युबसहित पक्राउ परेका छन्। दार्चुलाको महाकाली नगरपालिका- ७ धापका २२ वर्षीय करण टमटालाई प्रहरीले नदी किनारबाट पक्राउ गरेकाे जिल्ला प्रहरी कार्यालय दार्चुलाका प्रहरी निरीक्षक एवं सूचना अधिकारी सुरेन्द्रप्रसाद जोशीले जानकारी दिए।
कोरोना भाइरसको संक्रमण फैलिन नदिन नेपाल र भारतमा लकडाउन भएकाबेला भारतका विभिन्न ठाउँमा अलपत्र परेका नेपालीहरुलाई अवैध रुपमा ट्युबमार्फत् नेपाल प्रवेश गराइरहेकाले उनलाई पक्राउ गरिएकाे प्रहरीले जनाएकाे छ।
टमटालाई वडा नम्बर ७ धाप नजिकै भारतबाट ट्युबमार्फत् मानिस तारिरहेको अवस्थामा गएराति करिव ८ बजे पक्राउ गरिएकाे हो। ट्युबमार्फत् नदी तरेका मानिस भने भागेका थिए। टमटालाई जिल्ला प्रहरी कार्यालयमा ल्याइएको छ।
टमटालाई प्रहरीको गस्तीले मानिस तारिरहेको अवस्थामा नदी किनारबाटै पक्राउ गरेकाे हाे। टमटाविरुद्ध संक्रामक रोग ऐन २०२० अन्तर्गत मुद्दा चलाउने तयारी भैइरहेको जिल्ला प्रहरी कार्यालय दार्चुलाले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
