तस्बिर एएफपी
काठमाडाैं- अफगानिस्तानको राष्ट्रपति कार्यालयका ४० कर्मचारीमा कोरोना भाइरस (कोभिड–१९)काे संक्रमण देखिएको छ। न्युयोर्क टाइम्सका अनुसार आइतबार ती कर्मचारीमा संक्रमण पुष्टि भएको हो।
कर्मचारीमा संक्रमण देखिएसँगै राष्ट्रपति असर्फ घानीसमेत ‘आइसोलेसन’ बस्ने भएका छन्। राष्ट्रपति घानीलाई संक्रमण भए नभएको भन्ने बारे भने केही खुलेको छैन। उनका प्रवक्ताले राष्ट्रपतिको स्वास्थ्य परीक्षणका बारे समेत केही नबताएको न्युयोर्क टाइम्सले उल्लेख गरेको छ।
यसअघि २० जनामा संक्रमण भएको बताइएको थियो। एक सरकारी अधिकारीले शनिबार एएफपीलाई बताए अनुसार २० जनालाई भाइरस संक्रमण भएको तर नागरिकहरू हतास नहोउन् भनेर बाहिर खबर ल्याइएको थिएन।
गत डिसेम्बरको अन्तिमदेखि फैलिएको कोरोना भाइरसबाट हालसम्म अफगानिस्तानमा ९९६ जना संक्रमित भइसकेका छन्। जसमध्ये ३३ जनाको ज्यान गएको छ भने १३१ जना निको भइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
