काठमाडौं- परराष्ट्र मन्त्री प्रदीप ज्ञवालीले विभिन्न मिडियाका सम्पादकसँग ‘भिडियो कन्फ्रेन्स’ गरेका छन्।
मन्त्री ज्ञवालीले शनिबार राष्ट्रिय दैनिकका विभिन्न सम्पादकहरुसँग छलफल गरेका थिए भने आइतबार विभिन्न अनलाइन र रेडियो र साप्ताहिकका सम्पादकसँग छलफल गरे।
मन्त्री ज्ञवालीले सम्पादकहरुसँगको छलफलमा अहिलेको अवस्थामा मिडियाले खेल्नुपर्ने भूमिकाबारे कुरा राखेका थिए। त्यस्तै सम्पादकहरुले पनि कोरोना भाइसरविरुद्ध लड्न आफूहरु पनि सबै एकै ठाउँमा रहेको र यस मामिलामा प्रतिपक्ष र सत्तापक्ष भन्ने नरहेको बताएका थिए।
मन्त्रीले के भने?
मन्त्री ज्ञवालीका प्रेस सल्लाहकार सुधन ज्ञवालीका अनुसार विदेशमा भएका नेपालीबारे पनि विशेषगरी परराष्ट्र मन्त्रीले सम्पादकहरुलाई ‘ब्रिफिङ’ गरेका थिए।
मन्त्रीले ज्ञवालीले राखेको भनाइको सारसंक्षेप-
हामीले विदेशमा रहेका नेपालीहरुलाई मुख्यगरी ४ तहमा वर्गिकरण गरेका छौं। पहिलो, श्रम बजारमा गएका श्रमिकहरु छन्। दोस्रो, विद्यार्थीहरु छन्। तेस्रो, पर्यटक भिसा वा घुम्ने भिसामा केही समय गएका नेपालीहरु छन्। र, चौथो गैरआवासीय नेपालीहरु छन्। उताको कार्ड लिएका भए पनि तिनीहरु पनि नेपाली नै हुन्।
तर, श्रम गन्तव्यमा रहेका श्रमिकहरु र विद्यार्थीहरु अघिल्लो प्राथमिकतामा पर्नुहुन्छ। थोरै संख्यामा भए पनि घुम्न गएकाहरुलाई पनि हामीले प्राथमिकतामा राखेका छौं।
सबैभन्दा पहिलो कुरा चाहिँ उहाँहरू गैरकानुनी नहुनुहोस् भनेर त्यहाँका सरकारसँग भिसा बढाउनका लागि कुरा गरेका छौं। धेरै जसो देशहरुले तीन महिनासम्म भिसा अवधि थपिदिएका छन्। अहिलेसम्म श्रम गन्तव्य मुलुकहरुमा कसैले पनि नेपाली श्रमिकहरुलाई कामबाट निकालेको सूचना छैन। यद्यपि तलबमा ढिला भएको जस्ता कुराहरु चाहिँ आएका छन्।
गैरकानुनी रुपमा बसेकाहरुलाई चाहिँ समस्या छ। तर, अहिले विभिन्न देशका सरकारहरुले गैरकानुनी रुपमा बसेको भए पनि टाढा ल्याउन नलुकाउ, पछि चाहिँ बस्न पाउँदैनौं अहिले हामी सहयोग गर्छौं भनेर विभिन्न सरकार र राजदूतावासहरुले भनेको अवस्था छ।
सम्पाकहरुले के भने?
मुलतः सबैजसो सम्पादकहरुले सरकारले गरेका काम पारदर्शी हुनुपर्ने, यस्तो बेलामा कर्मचारीलाई अघि सारेर भन्दा पनि प्रधामन्त्री स्वयं वा जिम्मेवार मन्त्रीहरु उपस्थित भएर सरकारका नीतिहरुबारे जनतालाई जानकारी गराउनुपर्ने कुरा राखेका थिए।
सम्पादकहरुको भनाइको सारसंक्षेप:
जे–जे काम भएका छन्, ती पारदर्शी रुपमा होउन्। विदेशको ‘ट्रेन्ड’ हेर्दा सरकार प्रमुख, नभए जिम्मेवार मन्त्रीहरु उपलब्ध भएर मिडिया ‘ब्रिफिङ’ गरिरहनु भएको हुन्छ। नेपालमा पनि त्यो होस्।
हामीले खोजको बेला सरकार उपलब्ध हुनुपर्यो। धेरैजसो कर्मचारी वा सामान्य व्यक्तिले मात्रै पत्रकार सम्मेलन गरेर त्यसको विवरणमात्रै दिनुभन्दा सरकारको नीति निर्माताहरु पनि सहभागी भएर विवरण दिँदाखेरी अलि राम्रो हुन्छ।
कुनै ठाउँमा त प्रधानमन्त्री उपलब्ध हुनुपर्यो। होइन भने पनि सरकारले मिडियामैत्री मन्त्रीलाई उपलब्ध गराओस्। हामीलाई विवरणमात्रै होइन कि सरकारको नीति के हो भन्ने कुरा पनि यस्तो बेलामा चाहिन्छ।
हामीले पनि अहिले सरकारको के धारणा हो भन्ने प्रसारण गर्न खोजिरहेका छौं। लकडाउनलाई पालना गराउनलाई हामी पनि एक ठाउँमै छौं।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
