काठमाडौं- शुक्रबार जनकपुरधाम उपमहानगरपालिका ६ स्थित महावीर चोकमा एउटा अनौठो दृश्य देखियो। बाटामा बुर्का लगाएका दुई महिला १० रुपैयाँको नोट छर्दै डिँडेका थिए।
विश्वभर कोरोनाको माहामारी भएको बेला पैसा बाटामा छर्दै हिँड्नुले धरैलाई डर थियो- कतै कोरोना पोजेटिभ भएका महिलाले अरुलाई सार्न बाटामा पैसा छर्दै त हिँडेका होइनन्?
संदिग्ध व्यक्तिले पैसा छर्दै हिँडेको जानकारी जिल्ला प्रहरी कार्यालय धनुषा र प्रदेश २ प्रहरी कार्यालयमा आएपछि प्रहरी उक्त घटनाको अनुसन्धानमा जुटेको थियो।
अन्ततः प्रहरीले घटना भएको २४ घण्टा नबित्दै जनकपुरबाट पैसा फाल्ने दुई महिलालाई पक्राउ गर्न सफल भएको छ। प्रदेश २ का डिआइजी प्रद्युम्न कार्कीका अनुसार पक्राउ पर्नेमा आमुना खातुन र अलिना खातुन छन्। उनीहरु नन्दभाउजू भएको खुलेको छ।
यी दुई संदिग्ध पक्राउ परेपछि उनीहरुको प्रादेशिक अस्पताल जनुकपुरमा र्यापिड(आरडिटी) विधिबाट कोरोना जाँच गरिएको थियो। जसमध्ये एक जनामा एन्टीबडी पोजेटिभसमेत देखिएको प्रहरीले जनाएको छ।
अहिले दुवै जनालाई उक्त अस्पतालको आइसोलेसनमा राखेर पिसिआर परीक्षणका लागि स्वाब संकलन गरिएको छ। उनीहरुले त्यसरी पैसा फाल्दै हिँड्नुको कारण भने खुलिनसकेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
