फत्तेपुर (सप्तरी)- कोरोना भाईरस (कोभिड–१९) को संक्रमण फैलिएको हुन सक्ने आशंकामा शनिबार सप्तरीको सप्तकोशी नगरपालिका–१, फत्तेपुर (पारुहाङ्ग चौक) का ७५ जनाको र्यापिड टेस्ट (आरडिटी) गर्दा एक जनाको पोजेटिभ रिपोर्ट आएको छ।
७५ जनामध्ये ७१ वर्षीय पुरुषमा कोरोनाको आरडिटीमा पोजेटिभ रिपोर्ट आएको हो। उनलाई राजविराज लगिएको र उनको नमुना धरानस्थित बिपी कोइराला स्वास्थ्य विज्ञान प्रतिष्ठनामा आरटी पिसिआर परीक्षणका लागि पठाइने गजेन्द्रनारायण सिंह अस्पतालका मेडिकल सुपरिटेन्डन्ट चुमनलाल दासले जानकारी दिए।
उदयपुरको त्रियुगा नगरपालिका-३ भुल्केस्थित मस्जिदमा फेला परेका कोरोना संक्रमित १२ जना भारतीय नागरिक त्यहाँको मस्जिदमा पनि बसेर गएको पुष्टि भएपछि उनीहरुको सम्पर्कमा पुगेकाहरुको आरडिटी गरिएको थियो।
७५ मध्ये १७ जना भारतीय नागरिक हुन्। विवाह कार्यक्रममा सहभागी हुन आएका उनीहरु लकडाउनका कारण घर फर्कन नसकेको स्थानीयको भनाई छ।
यसैगरी, संक्रमितहरु बसेर गएको वडा नं. २ को सिद्धिपुर तथा वडा नं. ४ को वलार्दह स्थित मस्जिद असापासका टोलमा पनि आरडिटि गरिने नगरपालिकाले जनाएको छ।
उदयुपरको त्रियुगा नगरपालिका– ३ भुल्केस्थित मस्जिदमा फेला परेका कोरोना संक्रमित भारतीय नागरिक सप्तरीको बोदेबर्साइन नगरपालिका– ५ जाँजरमा फागुन ३ तीनदेखि ५ सम्म भएको धार्मिक सम्मेलनमा सहभागी हुन आएका थिए।
उनीहरु सप्तकोशी नगरपालिकाका विभिन्न मस्जिद हुँदै उदयपुरको चौदण्डिगढी नगरपालिका ५ स्थित सिवाई मस्जित पुगेका थिए। त्यहा ५ दिन वसेपछि त्रियुगा नगरपालिका प्रवेश गरेको पाईएको छ।
संक्रमितहरुले सप्तकोशीमा भएका तीन वटै मस्जिदमा लामो समय विताएको पाईएपछि सिङ्गो नगरवासी त्रसित भएका छन्। उनीहरुका कारण सप्तकोशीमा पनि धेरैलाई संक्रमण फैलिएको हुन सक्ने आशंका वढेपछि आरडिटि टेस्ट सुरु गरिएको नगरपालिकाले जनाएको छ।
कोरोना संक्रमित व्यक्तिहरु वसेर गएको प्रमाणित भएपछि वडा कार्यालयहरुले आ–आफनो वडा सिल गरिएको घोषणा गरेका छन्। मानिसको चहलपहल नियन्त्रण गर्न सेना समेत परिचालन गरिएको छ।
यसरी गरिएको थियो परीक्षण
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
