काठमाडौं- डाक्टर र बिरामीलाई भिडियो कन्फ्रेन्समाफर्त जोड्ने उद्देश्यले अनलाइन प्लेटफर्मको सुरुवात भएको छ। डक्टर्स अन कल नेपाल एन्ड इएसआर टेकले अनलाइन प्लेटफर्म विकास गर्दै बिरामी र डाक्टरलाई भिडियो कन्फ्रेन्समार्फत जोड्ने गरी डकनेपालडटकम अनलाइन प्लेटफर्म विकास गरेका हुन्।
कोरोना भाइरस संक्रमण जोखिमका कारण लकडाउन भएपछि अन्य रोगका बिरामीहरु डाक्टरसम्म पुग्न कठिन हुन थालेपछि अनलाइन प्लेटफर्म विकास गरिएको हो। यस्तो एप्लिकेसन नेपालमा नै पहिलोपटक बनाइएको डक्टर्स अन कल नेपालले जनाएको छ। अहिलेको आपतकालीन अवस्थामा चिकित्सकीय सेवा प्रवाह गर्न उपयोगी हुने उसले विश्वास लिएको छ।
डकनेपालडटकमले अनलाइन भिडियो प्रविधिमार्फत तोकिएको समयमा स्वास्थ्य सेवाग्राहीलाई चिकित्सकहरुको परामर्श सेवा, विरामीहरुलाई आवश्यक पर्ने चिकित्सकीय आवश्यकता र अनलाइनमार्फत नै अत्यावश्यक औषधीहरुको सिफारिससमेत उपलब्ध गराई सेवा प्रवाह गर्ने प्रमुख उद्देश्य राखिएको जनाइएको छ।
यस प्रकारको सेवा अहिलको आपतकालिन अवस्थामा पूर्णरुपमा निःशुल्क उपलब्ध गराइने पनि प्रेस विज्ञप्तिमा जनाइएको छ। कोरोना भाइरस संक्रमणका कुनै पनि प्रारम्भिक लक्षणहरुको शंका लागेको अवस्थामा अथवा अत्याधिक ज्वरो आएको, लहरे खोकी लागेको, थकाइको महसुस भएको अथवा श्वासप्रश्वासमा कठिनाई उत्पन्न भएको अवस्थामा चिकित्सकहरुको परामर्श लिन उसले आग्रह गरेको छ।
यस्तो प्रकारको सेवा प्रवाह गर्नका लागि डक्टरर्स अन कल नेपाल (काठमाडौं उपत्यकामा आधारित घरमै स्वास्थ्य सेवा प्रवाहकर्ता) र इएसआरे (प्रविधि तथा सफ्टवेयर कम्पनी)सँग सहकार्य गरेको इएसआर र डक्टर्स अन कलले जनाएका छन्। त्यस्तैगरी यस अभियानमा आफूहरुलाई आर्थिक तथा प्राविधिकरुपमा नेपाल चिकित्सक संघ, नेपाल इन्भेष्टमेन्ट बैंक लिमिटेड तथा एसिसिए ग्लोबलको पनि साथ रहेको पनि विज्ञप्तिमा जनाइएको छ।
स्वास्थ्य सेवाग्राहीले इमेल वा फोन नम्बरको माध्यमबाट यो सेवा प्रयोग गर्नको लागि सिस्टममा आबद्धता हुनु आवश्यक छ। त्यसका लागि एक पटक बिरामीले रजिष्टर गरेमा उनले डाक्टरको नाम र विशेषज्ञता तोकिएको समयावधिमा देख्न सक्नेछन्। यसरी आवश्यक प्रक्रियाहरु पूरा गरे पश्चात भिडियो कल सुरू गर्नुअघि बिरामीको बारेमा आधारभूत जानकारी लिइने विज्ञप्तिमा जनाइएको छ।
भिडियो कलमा बिरामी र चिकित्सकको कुराकानी पश्चात स्वास्थ्य समस्या र अन्य आवश्यक प्रक्रियाहरुका लागि स्वास्थ्य सेवाग्राहीलाई चिकित्सकबाट कुराकानीमा आधारित प्रेस्क्रिप्शन र आवश्यक सुझाबहरु इमेल वा म्यासेजमार्फत प्राप्त गर्नेछन्। यस सेवामा आवद्ध हुन चाहाने चिकित्सकहरुले यस एप्लिकेशनमा गई साइन अपद्वारा आवद्धता जनाउन सक्नेछन्।
सेवा प्रदान गर्न कुनै पनि डाक्टरहरूलाई अनुमोदन गर्नुअघि उनीहरूको मेडिकल प्रमाणपत्रहरू प्रमाणित गरिनेछ। एकचोटि प्रमाणिकरण पूरा भएपछि डाक्टरहरूलाई यस प्रणालीमा सूचीबद्ध गरिने पनि विज्ञप्तिमा भनिएको छ।
इएसआर र डक्टर्स अन कल नेपालले बिरामीको गोपनीयताका लागि विशेष ध्यान दिइएको पनि जनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763913168.png)
-1763912864.png)
-1763721444.png)
-1763559424.jpg)
-1763559424.jpg)
