काठमाडौं– तपाईं विदेशमा समस्यामा हुुनुहुन्छ वा भिसा सकिएर अवैध हुने चिन्तामा हुनुहुन्छ? तपाईं समस्यामा पर्नुभयो भने तुरुन्त सम्बन्धित दूतावासमा खबर गर्नुहोस्। रोजगारदाताले पारिश्रमिक नदिएको अवस्थामा खान वा बस्न समस्या छ भने पनि तत्काल दूतावासमा खबर गर्न सक्नुहुनेछ।
विश्वव्यापी रुपमा फैलिएको कोरोना भाइरस संक्रमणको जोखिम न्यूनीकरण गर्न तत्कालका लागि सरकारले विभिन्न मुलुकबाट नेपाल प्रवेशमा प्रतिबन्ध लगाएको छ। यस्तो अवस्थामा तपाईं सम्बन्धित गन्तव्य मुलुकमा समस्यामा पर्नुभयो भने सम्बन्धित देशको दूतावासबाट समस्या सहजीकरणका लागि कूटनीतिक पहल हुनेछ।
समस्यामा परेका नेपाली नागरिकहरुसँग सम्पर्कमा रही तथ्यांक राख्ने तथा समाधानका लागि कूटनीतिक पहल गर्न सरकारले प्रत्येक दूतावासलाई पत्राचार गरेको छ। सरकारले कोरियाबाट सिधै वा ट्रान्जिट हुँदै नेपाल प्रवेशमा रोक लगाएसँगै कोरियाली सरकारले त्यहाँ कार्यरत नेपालीहरुलाई ३० दिनको भिसा थप गरिदिने निर्णय गरेको छ। भिसा थपका लागि अध्यागमनमा उपस्थित हुन दूतावासले आग्रह गरेको छ।
भारतको दिल्लीस्थित नेपाली दूतावासले भारतमा रहेका नेपालीहरुलाई कोरोना संक्रमणबाट सुरक्षित रहन आग्रह गरेको छ। सम्बन्धित सबै नेपालीलाई कोरोना संक्रमणबाट सुरक्षित रहनका लागि यथावत स्थानमा रहन दूतावासले अपिल गरेको हो।
त्यस्तै मलेसिया, खाडीलगायत अन्य विभिन्न मुलुकस्थित नेपाली दूतावासहरुले पनि सबै नेपालीहरुलाई सुरक्षित रहन आग्रह गरिरहेका छन्। समस्या परे दूतावासमा खबर गर्न आग्रह गरेका छन्।
प्रमुख गन्तव्य मुलुकस्थित नेपाली दूतावासका आधिकारिक सम्पर्क नम्बरहरु:
मलेसियाः ०३–२०२०१८९८ र ०३–२०२०१८९९
कुवेतः (००९६५) २५३२१६०३, २५३२१६०४ र २५३२१६०५
युएईः +९७१२६३४४७६७, र +९७१२६३४४३८५
दक्षिण कोरियाः ९७७–१–४२७–०१७२
ओमानः +९६८२४६९६१७७ र +९६८२४६९६८८३ (हटलाइन) ००९६८७१५९२४९०
कतारः +९७४४४६७५६८१, +९७४४४६७५६८०
साउदीः +९६६११४६१११०८ हटलाइन +९६६५५९३८९६००
बहराइनः +९७३१७७२५५८३
भारतः +९१११२३४७६२००
इजरायलः + ९७२(०) ३५१००१११
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763559424.jpg)
