काठमाडौं- पर्यटन विभागले हिमाल आरोहणलाई व्यवस्थित बनाउन सम्बन्धित क्षेत्रलाई ११ सुझाव दिएको छ। विभागले सन् २०२० को बसन्त ऋतुमा हुने पर्वतारोहणका गतिविधिलाई थप व्यवस्थित बनाउन सम्बन्धित सबैले देहाएका विषयहरुमा समेत ध्यान दिई आरोहणका कार्य गर्न र गराउन जानकारी गराएको हो।
१) पर्वतारोही दलले पर्वतारोहणबाहेक अन्य थप गतिविधि गर्ने भएमा पर्यटन विभागमा अनिवार्य जानकारी गराई स्विकृती लिएरमात्र थप गतिविधि गर्नु र गराउनुपर्नेछ।
२) पर्वतारोही दलले पर्वतारोहणका कार्य गर्दा लैजाने तथा प्रयोग गर्ने सम्पूर्ण सामग्रीहरुको सूची दुईप्रति यस विभागमा ब्रिफिङ्ग गर्दा अनिवार्य रुपमा उपलब्ध गराउनुपर्नेछ। पर्वतारोही दलका सम्पूर्ण सदस्य तथा आरोही सदस्यको स्वास्थ्य अवस्था पेश गर्दा निज पर्वतारोहण कार्यका लागि उपयुक्त भएको विवरण पेश गर्नुपर्नेछ। साथै आरोहीहरुको कम्तिमा चौध दिनको यात्रा विवरणसमेत सम्बन्धित एजेन्सीले अध्ययन गर्नुपर्नेछ।
४) आरोहण अनुमतिपत्र माग गर्दा दलका सदस्यहरुको बीमा गरेर नगरेको यकिन गरी आरोहण अवधिभरको बिमा गरेको कागजात सम्बन्धित एजेन्सीले सुरक्षित राख्नुपर्नेछ ।
५) पर्वतारोहणमा जाने दल सम्बद्ध एजेन्सीले अनलाइन बिफ्रिङ भरेपछिमात्र आरोहण अनुमतिपत्र जारी हुनेछ। साथै अनलाइन डिब्रिफ्रिङ भरेपछिमात्र डिब्रिफिङ् हुनेछ।
६) अनुमतिपत्र जारी भएको मौसम समाप्त भएको १५ (पन्ध्र) दिन (अन्तिम डिब्रिफिङ् भएको १५ दिन) पछिमात्र आरोहणको प्रमाणपत्र जारी गर्ने कार्य सुरु हुनेछ तर अनलाइन डिब्रिफिङ् नभरेको हकमा आरोहण प्रमाणपत्र जारी हुने छैन।
७) आरोहण दलका सम्पूर्ण सदस्यको यात्रा कार्यक्रम (आइटेनरी आरोहण अनुमतिपत्र जारी गर्ने समयमा पेश गर्नुपर्नेछ। साथै डिब्रिफिङ् हुँदाका बखत आरोहण दलका सदस्यहरु के कुन माध्यमबाट के कसरी काठमाडौं आइपुगे सोको विवरण समेत पेश गर्नुपर्नेछ।
८) आरोही दलसम्बद्ध एजेन्सीले पर्वतारोहण दलका साथ जाने सहयोगीहरुको बिमा गर्दा पर्वतारोहणसम्बन्धी नियमावली, २०५९ मा उल्लेखित व्यक्तिको कार्यभूमिकाबमोजिम (सरदार, पथ प्रर्दशक, उचाइका कामदार, आधार शिविरका कामदार, स्थानीय कामदार)को पदनाम राखेर बिमा गर्नुपर्नेछ। अन्यथा आरोहणको प्रमाणपत्र जारी हुने छैन।
९) पर्वतारोहणमा जाने दलसम्बद्ध एजेन्सीले आरोहणका गतिविधि समेटेर सफल र असफल आरोहीको विवरणसहितको प्रतिवेदन डिब्रिफिङ् हुँदाका बखत पर्यटन विभाग समक्ष पेश गर्नुपर्नेछ।
१०) आपतकालीन उद्धार गरिएका पर्यटक बिरामीलाई सीमित स्रोत साधन भएका अस्पतालमा पुर्याउने तथा रेफर गर्ने गरिएको पाइएको हुँदा त्यसरी उद्धार गरिएका पर्यटकलाई आधुनिक उपकरण भएका सुविधासम्पन्न अस्पतालहरुमा मात्र लैजाने बस्दोबस्त वायुसेवा, हेलिकप्टर सेवा सञ्चालक तथा टुर र ट्राभलर ट्रेकिङ् र एक्सपिडिसन सञ्चालकहरुले गर्नुपर्नेछ।
११) डिब्रिफिङका समयमा सम्बन्धित दलको सम्पर्क अधिकृत अनिवार्य उपस्थित भई आफू खटिई गएको दलसम्बद्ध सम्पूर्ण विवरण पेश गर्नुपर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
