काठमाडौं- अमेरिकी इलेक्ट्रिक कार उत्पादक कम्पनी टेस्लाले आफ्नो दशौं लाख कार उत्पादन गरेको छ। विश्वभर कोरोना भाइरस (कोभिड-१९) को त्रास उत्कर्षमा रहेका बेला टेस्लाले उक्त माइल स्टोन सार्वजनिक गरेको हो। टेस्लाको दशौं लाख कार अमेरिकाको क्यालिफोर्नियामा रहेको प्लान्टबाट उत्पादन भएको हो।
टेस्लाको उक्त माइलस्टोन कार मोडल वाइ हो। कम्पनीको यो माइलस्टोनबारे टेस्लाका सिइओ इलोन मस्कले ट्वीट मार्फत सार्वजनिक गरेका हुन्। टेस्ला इलेक्ट्रिक कार उत्पादनमा विश्वकै उत्कृष्ट ब्रान्डमध्येमा रहेको छ।
मोडल वाइ टेस्लाको क्रसओभर कार हो जुन कम्पनीको पाँचौं ब्रान्ड हो। टेस्लाका मोडल एस, मोडल एक्स‚ मोडल वाइ र मोडल थ्री उपलब्ध रहेका छन्। त्यस्तै टेस्लाको अर्को नयाँ जेनेरेसन को डोरस्टार उत्पादनको क्रममा रहेको छ। टेस्लाले चीनको सांघाईमा गिगा प्लान्ट स्थापना गरिसकेको छ। उक्त प्लान्टबाट मेड इन चाइना मोडल वाइ २०२१ को जनवरीमा उत्पादन हुनेछ।
चीनको सांघाई प्लान्टबाट वार्षिक २ लाख ५० हजार सवारी उत्पादनको लक्ष्य कम्पनीले लिएको छ। सांघाई प्लान्टबाट २०२० को अन्त्यसम्ममा उत्पादन गर्ने लक्ष्य भएपनि कोरोना भाइरसका कारण उत्पादनमा केही ढिलाइ हुने संकेत देखिएको छ।
टेस्लाको सांघाई प्लान्टमा १.४ अर्ब डलर लगानी
टेस्लाले चीनमा समेत आफ्नो उत्पादन प्लान्ट बनाइरहेको छ। त्यसका लागि टेस्लाले चिनियाँ बैंकहरुसँग १ अर्ब ४० करोड अमेरिकी डलर (१० अर्ब युआन) लिएको हो।
टेस्ला इलेक्ट्रिक कार उत्पादकको रुपमा छोटो समयमा विश्वभर चर्चामा रहेको छ। चीनको सांघाईमा स्थापना गरिने प्लान्टबाट चीनसहित एसियाली बजारलाई लक्षित गरिएको छ। चिनियाँ बैंकहरुले टेस्लालाई यो वर्षको सुरुवातमै ३ अर्ब ५० करोड युआन ऋण उपलब्ध गराएका थिए। नयाँ ऋण स्वीकृत भएसँगै टेस्लाले चिनियाँ प्लान्टबाट टेस्लाका इलेक्ट्रिक कार उत्पादनको काम भइरहेको छ। तर‚ कोरोनाका कारण पछिल्लो समय काममा केही सुस्तता आएको छ।
इलेक्ट्रिक कारबारे चासो राख्ने र इलेक्ट्रिक कार चढ्ने चाहना हुनेले हालसम्मलाई टेस्लालाई नै ‘ड्रिम’ कारको रुपमा लिने गरेका छन्। चीनको सांघाईमा टेस्लाको गिगाफ्टाक्ट्री स्थापना गरिएको हो। यो टेस्लाको अमेरिकाबाहिर रहेको पहिलो फ्टाक्ट्री हो। उक्त प्लान्टबाट वार्षिक ५ लाख इलेक्ट्रिक सवारी उत्पादनको क्षमता राख्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
