कपिलवस्तु- कपिलवस्तुस्थित हुलाकी राजमार्गअन्तर्गत दत्तपुर-तुरंतपुर सडकखण्ड निर्माणमा प्रयाेग भएका एक्साभेटर, डाेजर र सवारीसाधनमाथि आगजनी भएकाे छ। गएराति १२:४५ बजे अज्ञात समूहले आगजनी गरेकाे हाे।
हुलाकी राजमार्ग आयोजना कार्यालय कपिलवस्तुअन्तर्गतको निर्माणाधीन हुलाकी राजमार्गको दत्तपुर-तुरंतपुर सडकखण्ड निर्माणको जिम्मा पाएको निर्माण व्यसायी शर्मा एण्ड कम्पनीको लोहराैला र दश नं गाउँको बीचमा पर्ने साइट क्याम्प र साइटमा रखिएका ती सामग्रीमाथि आगजनी भएकाे हाे। बा२ख १४७३ नम्बरकाे जेसी एक्साभेटर, बा१ख ६९९६ नम्बारकाे जेसीबी लाेडर, बा२ख ८७२९ नम्बारकाे टेक्सी (टीएलबी-८४४एस एक्साभेटर), बा१९च ६६७४ नम्बरकाे बाेलेराे जीप, बा१६च ५२५० नम्बारकाे बाेलेराे जीप र से१का ७० नम्बरकाे एक्साभेटर पीसी-२००मा आगजनी भएकाे हाे।
आगजनीबाट ती साधनहरु ध्वस्त भएका छन्। अज्ञात समूहले कोठाभित्र सुतिरहेका स्टाफलाई बाहिरबाट बन्द गरी आगजनी गरेकाे बताइएकाे छ। स्टाफहरू कोठाको पर्खाल भत्काएर बाहिर निस्केका थिए।
तस्बिरमा हेर्नुस् आगजनी भएका निर्माण सामग्री:
.jpg)
.jpg)
.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
