काठमाडौं- स्पेनिस ला लिगामा शीर्ष स्थानको क्लब रियल मड्रिड र सेल्टा भिगोसँग २–२ गोलको बराबरी खेलेको छ।
आइतबार रातिको खेलमा मड्रिडको सेल्टासँगको बराबरीले दोस्रो स्थानको बार्सिलोनालाई फाइदा पुगेको छ।
योडर स्मोलोभको गोलमा सातौँ मिनेटमा नै सेल्टाले अग्रता बनाएको थियो। पहिलो हाफमा १–० को सेल्टाको अग्रतामा सकिएको थियो। दोस्रो हाफमा थप तीन गोल भए।
खेलको ५२औँ मिनेटमा टोनि क्रुसले रियल मड्रिडका लागि बराबरी गोल फर्काएका थिए। ६५औँ मिनेटमा पाएको पेनाल्टीमा सर्जियो रामोसले गोल गर्दै मड्रिडलाई अग्रता दिलाए। तर ८५औँ मिनेटमा सान्टी मिनाको गोलमा सेल्टा भिगोले खेल बराबरी गर्न सक्यो।
शीर्ष स्थानमा रहेको रियल मड्रिडको २४ खेलमा ५३ अंक भएको छ। दोस्रोमा रहेको बार्सिलोनाको २४ खेलमा नै ५२ अंक छ।
शनिबार राति भएको खेलमा बार्सिलोनाले तेस्रो स्थानको गेटाफेलाई २–१ ले हराएको थियो। २४ खेलमा २१ अंक रहेको सेल्टा भिगो १७औँ स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
