काठमाडौं- लुम्बिनी एग्रो प्रोडक्ट एन्ड रिसर्च सेन्टरका सञ्चालक शशी पौडेल सम्मानित भएका छन्। रुपन्देहीको तिलोत्तमा ५ सयभन्दा बढी गाई पाल्दै आएका किसान पौडेललाई फोकस नेपालले सम्मानित गरेको हो।
पौडेलले तिलोत्तमा नगरपालिको टिकुलीगढमा लुम्बिनी एग्रो प्रोडक्ट एण्ड रिसर्च सेन्टर नाम गरेको फार्ममा गाई पाल्दै आएका छन्। स्थायी शिक्षकको जागिर छोडेर एक दशक अगाडिदेखि गाई पाल्दै आएका पौडेल सम्मानित भएका हुन्। पौडेलले वन तथा वातावरण मन्त्री शक्ति बहादुर बस्नेतबाट सम्मान पत्र प्राप्त गरेका थिए।
उनले सञ्चालन गरेको फार्ममा हाल १ अर्ब बराबरको लगानी छ। उनले गाइको गोबरबाट बिजुली निकाल्ने तयारीसमेत अन्तिम चरणमा पुर्याइसकेको जानकारी दिए। यसअघि पनि पौडेल राष्ट्रपती कृषक पुरकारबाट सम्मानित भएका थिए।
उनी यसअघि पनि राष्ट्रपति विद्यादेवी भण्डारीबाट जनसेवा श्री पदक र पूर्वराष्ट्रपति रामवरण यादवद्वारा विकास रत्न विभुषणबाट विभुषित भइसकेका छन्। पौडेललाई प्रदेश ५ सरकारले समेत पदवी प्रदान गरिसकेको छ।
यो पनि
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768981471.jpg)
-1764146706.png)
