काठमाडौं- अखिल नेपाल फुटबल संघ (एन्फा)ले १३औं दक्षिण एसियाली खेलकुद प्रतियोगिता (साग) मा स्वर्ण पदक र रजत विजेता खेलाडीहरुलाई पुरस्कार दिने निर्णय गरेको छ।
एन्फाको कार्यसमिति बैठकले १३औं साग खेलकुदको पुरुष फुटबलमा स्वर्ण पदक विजेता हरेक खेलाडीलाई ५ लाख ५० हजारको दरले पुरस्कार दिने निर्णय गरेको छ। त्यस्तै, सागकै महिला फुटबलमा रजत पदक विजेता प्रत्येक खेलाडीलाई १ लाख ५० हजार नगद दिने एन्फाले निर्णय गरेको हो।
पुरस्कार एन्फाले बैशाख २२ गते ‘एन्फा डे’ को अवसर पारेर दिनेछ।
यसअघि प्रधानमन्त्री केपी शर्मा ओलीले सागमा व्यक्तिगततर्फ स्वर्ण जित्ने खेलाडीलाई ९ लाख र समूहगतमा स्वर्ण जित्ने खेलाडीलाई ५ लाख दिने घोषणा गरेका थिए।
त्यस्तै, एन्फाले ‘एन्फा डे’ को अवसरमा विधिन्न विधामा पुरस्कृत गर्ने खेलाडीको लागि पूर्व राष्ट्रिय खेलाडढी भिक्टर राणाको संयोजकत्वमा छनोट समिति गठन गरेको छ। त्यस्तै, सहित स्मारक बि डिभिजनको लागि सबै टिमलाई तयारी बापत १० लाख नगद दिने निर्णय गरेको छ। बि डिभिजन लिग विजेताले १५ लाख, उपविजेताले ८ लाख, तेस्रो हुनेले ५ लाख र चौथो हुने टिमले ३ लाख प्राप्त गर्नेछ।
त्यस्तै, एन्फाले एन्फा प्रेसिडेन्ट कप र राष्ट्रिय लिग फुटबल सञ्चालन गर्नका लागि बीर बहादुर खड्काको संयोजकत्वमा समिति गठन गरेको छ।
एन्फा प्रेसिडेन्ट कपमा सात टिमको सहभागिता रहनेछ। यता, राष्ट्रिय लिग भने होम एन्ड अवेको आधारमा सम्चालन हुनेछ। राष्ट्रिय लिगमा सहिद स्मारक ए डिभिजन लिगका शीर्ष ६ टिम र एन्फा प्रेसिडेन्ट कपका शीर्ष ४ टिम गरी १० टिमको सहभागिता रहनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
