काठमाडौं- सहिद स्मारक ‘ए’ डिभिजन लिग फुटबलमा सरस्वती युथ क्लबले पहिलो जित निकालेको छ। सरस्वतीले हिमालयन शेर्पा क्लबलाई ४–३ ले हराएको हो।
खेलमा दुई पटक बनिसकेको अग्रता गुम्दा पनि ८३औँ मिनेटमा कजिम बुसारीको गोलमा सरस्वतीले पहिलो खेल जितमा आधार बनायो। त्यसको ५ मिनेटपछि नै मनिस थापाले सरस्वतीका लागि चौथो गोल गरे। इन्जुरी समयमा हिमालयन शेर्पाका रवि थापा मगरले गोल गरे पनि हार जोगाउन सकेनन्।
एन्फा कम्प्लेक्सको मैदान सातदोबाटोमा भएको खेलमा सरस्वती क्लबले खेलको पाँचौँ मिनेटमा नै अग्रता बनाएको थियो। कजिम बुसारीको गोलमार्फत सरस्वतीले बनाएको अग्रतामा हिमालयन शेर्पाका आशिस गुरुङले १०औँ मिनेटमा गोल गर्दै बराबरी बनाएका थिए।
खेलको ३५औँ मिनेटमा सरस्वती क्लबका बिनोद केसीले गोल गर्दै पुनः अग्रता बनाएका थिए। तर उनले उत्कृष्ट हेड गोलमार्फत बनाएको अग्रता पनि पहिलो हाफको अन्त्यमा नै तोडियो। ४५औँ मिनेटमा बिजय श्रेष्ठले गोल गर्दै हिमालयन शेर्पालाई बराबरीमा लगेका थिए।
दोस्रो हाफमा दुवै टिमले केही अवसर खेल फाल्दा ८३औँ मिनेटमा सरस्वतीका बुसारीले नै उत्कृष्ट हेड गोल गर्दै टिमलाई पहिलो जितको आधार दिलाए। ८८औँ मिनेटमा मनिष थापाले टिमका लागि चौथो गोल गरे। इन्जुरी समयमा हिमालयन शेर्पाका रवि थापा मगरले गोल गरे पनि हार जोगाउन सकेनन्।
.jpg)
पुछारमा रहेको सरस्वतीको जितसँगै ९ खेलमा ४ अंक भएको छ। यसअघि सरस्वतीले एक खेल बराबरी खेलेको थियो। सरस्वतीको जितसँगै रेलिगेसन हुने एक टिममा थप संघर्ष देखिने भएको छ। १३औँ स्थानमा रहेको एपिएफको ९ खेलमा ५ अंक मात्र रहेको छ।
यस्तै १२औँ स्थानमा रहेको हिमालयन शेर्पा क्लबको ९ खेलमा ७ अंक रहेको छ। लिगको शीर्ष स्थानमा ९ खेलमा १९ अंक रहेको मछिन्द्र क्लब रहेको छ। दोस्रोमा ८ खेलमा १७ अंकसहित त्रिभुवन आर्मी क्लब छ। आर्मीले मंगलबार नै दिउँसो ३ बजे जावलाखेल युथ क्लबसँग खेल्दैछ।
के भएको थियो यसअघिका खेल?
सरस्वती युथ क्लब
पहिलो खेलमा एनआरटीसँग ४–० ले हारेको सरस्वती दोस्रो खेलमा जावलाखेलसँग १–० ले पराजित भयो। तेस्रो खेलमा पुलिस क्लबसँग २–० र चौथो खेलमा एपिएफसँग २–१ ले पराजित भयो।
.jpg)
लिगको पाँचौँ खेलमा आर्मीसँग १–० ले हारेको सरस्वतीले छैठौँ खेलमा बल्ल एक अंक जोड्न सक्यो। जसमा बिग्रेड ब्वाइज क्लबसँग गोलरहित बराबरी खेलेको सरस्वती सातौँ खेलमा फ्रेन्ड्स क्लबसँग ४–१ ले पराजित भयो। सरस्वती आठौँ खेलमा मनाङ मर्स्याङ्दीसँग १–० ले पराजित भएको थियो।
हिमालयन शेर्पा क्लब
लिगको पहिलो खेलमा पुलिस क्लबसँग गोलरहित बराबरी खेलेको हिमालयन शेर्पा क्लबले दोस्रो खेलमा एपिएफसँग १–१ गोलको बराबरी खेलेको थियो। तेस्रो खेलमा आर्मीसँग २–० ले हारेको शेर्पा चौथो खेलमा बिग्रेड ब्वाइजसँग १–० ले हारेको थियो।
.jpg)
हिमालयन शेर्पाले लिगको पाँचौँ खेलमा फ्रेन्ड्ससँग र छैठौँ खेलमा मनाङ मर्स्याङ्दीसँग गोलरहित बराबरी नै खेलेको थियो। सातौँ खेलमा भने हिमालयन शेर्पा मछिन्द्रसँग २–० ले पराजित भएको थियो। आठौँ खेलमा हिमालयन शेर्पा क्बल थ्री स्टार क्लबसँग ३–१ ले पराजित भयो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
