काठमाडौं– महानगरिय प्रहरी कार्यलयका प्रमुख डिआइजी विश्वराज पोखरेलले नेपाल लाइभसँग दिउँसो भनेका थिए, ‘कानुनी प्रक्रिया पुरा गरेर आस्थालाई आजै छाड्ने तयारी छ।’ तर, कानुनी प्रक्रिया पुरा गर्न समय नपुगेको भन्दै प्रहरीले आस्थालाई आजको रात हिरासतमै राख्ने भएको छ।
‘सरकारी वकिलसँगको बयान नसकिएकाले आज आस्था राउत हिरासतमै रहनेछिन्,’ महानगरिय प्रहरी परिसरका प्रमुख एसएसपी उत्तमराज सुवेदी बताए।
जिल्ला प्रशासन कार्यालय काठमाडौंले गायिका राउतलाई ४ दिन हिरासतमा राखेर अनुसन्धान गर्न अनुमति दिएपनि प्रहरीले आस्थालाई हाजिरी जमानीमा छाड्ने आशंका गरिएको थियो। तर एसएसपी सुवेदीले बताएअनुसार आस्था आज हिरासतमा रहने पक्का भयो।
अब भोलि मुद्दाको टुंगो लगाएर आस्थालाई छाड्ने तयारी रहेको समेत प्रहरीले बताएको छ।
आस्थालाई दिउँसो काठमाडौं प्रहरी परिसर, टेकुले जिल्ला सरकारी वकिल कार्यालय, काठमाडौंमार्फत म्याद थपका लागि जिल्ला प्रशासनमा उपस्थित गराएको थियो।
राउतले सोमबार बिहान प्रहरी समक्ष आत्मसमर्पण गरेकी थिइन्।
त्रिभुवन अन्तराष्ट्रिय विमानस्थलको आन्तरिक टर्मिनलमा सुरक्षा जाँचको क्रममा प्रहरी जवान रमिता श्रेष्ठ र आस्थाबीच विवाद भएपछि जवान श्रेष्ठले अभद्र व्यवहारमा उजुरी दिएकी थिइन्।
उजुरीका आधारमा उनीविरुद्ध प्रकाउ पुर्जी जारी भएको थियो।
प्रहरीले पनि उनीविरुद्ध लगाएको अभद्र व्यवहार मुद्दाको छिनोफानो चाँडो सकाउन सोमबार बिहानैदेखि प्रक्रिया थालेको थियो।
सरकारी वकिलको कार्यालयमा बयान लिनुअघि उनलाई वीर अस्पताल स्वास्थ्य परिक्षणसमेत गराइएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
