काठमाडौं- जिल्ला प्रशासन कार्यालय काठमाडौंले गायिका आस्था राउतलाई ४ दिन हिरासतमा राखेर अनुसन्धान गर्न अनुमति दिएको छ।
सोमबार जिल्ला प्रशासनले गायिका राउतलाई ४ दिन हिरासतमा राखेर अनुसन्धान गर्न अनुमति दिएको हो।
काठमाडौं प्रहरी परिसर, टेकुले जिल्ला सरकारी वकिल कार्यालय, काठमाडौंमार्फत म्याद थपका लागि जिल्ला प्रशासनमा उपस्थित गराएको थियो।
राउतले सोमबार बिहान प्रहरी समक्ष आत्मसमर्पण गरेकी थिइन्।
त्रिभुवन अन्तराष्ट्रिय विमानस्थलको आन्तरिक टर्मिनलमा सुरक्षा जाँचको क्रममा प्रहरी जवान रमिता श्रेष्ठ र आस्थाबीच विवाद भएपछि जवान श्रेष्ठले अभद्र व्यवहारमा उजुरी दिएकी थिइन्।
उजुरीका आधारमा उनीविरुद्ध प्रकाउ पुर्जी जारी भएको थियो।
प्रहरीले पनि उनीविरुद्ध लगाएको अभद्र व्यवहार मुद्दाको छिनोफानो चाँडो सकाउन सोमबार बिहानैदेखि प्रक्रिया थालेको थियो।
सरकारी वकिलको कार्यालयमा बयान लिनुअघि उनलाई वीर अस्पताल स्वास्थ्य परिक्षणसमेत गराइएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
