जनकपुर- जनमत पार्टीका अध्यक्ष डा सिके राउतले अहिले पनि पार्टीको मुख्य एजेण्डा ‘जनमत संग्रह’ नै रहेको बताएका छन्। जनकपुरको रंगभूमि मैदानमा शनिबार आयोजित आमसभालाई सम्बोधन गर्दै उनले सरकारसँग सम्झौता गरे पनि ‘जनमत संग्रह’को मुद्दा नत्यागेको दाबी गरे।
उनले मधेसवादी दलहरुतर्फ इसारा गर्दै दलाल पार्टीहरूको जस्तो लेनदेन गरी सम्झौता नगरेको दावी गरे। उनले सम्बोधनको क्रममा पटकपटक मधेसवादी दलका नेताहरूको आलोचना गर्दै मधेसी नेताहरूलाई दलालको संज्ञा दिएका हुन्।
राउतले कांग्रेस, कम्युनिष्ट र मधेसी नेताहरू म्याद गुज्रेको ‘औषधि’ भएको टिप्पणी गर्दै कोटबाट ट्यावलेटको पाता झिकेर देखाउँदै भने, ‘यो औषधि हो। तर, म्याद गुज्रेको छ भने काम गर्छ र? गर्दैन। यो खाएपछि रियाक्सन हुन्छ र ज्यान जान सक्छ। यस्तै भइसकेको छ कांग्रेस, कम्युनिष्ट र दलाल पार्टीहरू।' उनले जनतालाई त्यस्ता पार्टीहरु माथि अब विश्वास नगर्न अनुरोध गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1700232974.jpg)
-1786602170.png)
