जनकपुर- जनकपुरधाम उपमहानगरपालिका र पत्रकारबीच ९ बुँदे सहमति भएकाे छ। जनकपुरधाम उपमहानगरपालिकाका मेयरको कार्यकक्षमा पत्रकारहरुमाथि भएको हातपातको घटनाको बिषयमा जिल्ला प्रशासन कार्यालय धनुषामा बसेको सर्वपक्षीय बैठकमा ९ बुँदे सहमति भएकाे हाे।
साेमबार बसेकाे सर्वपक्षीय बैठकमा घटनाको सम्बन्धमा जिल्ला प्रहरी कार्यालय धनुषाले छानबिन गरी दोषी पहिचान गरेर कारवाही प्रक्रिया अगाडी बढाउने, जानकी मन्दिरको फूलबारी अतिक्रमणको बिषयमा नापजाँच प्रतिवेदनका आधारमा कार्यान्वयन गर्ने/गराउने, जनकपुरधाम उपमहानगरपालिकाका कर्मचारीलगायत आन्दोलित पक्षले आन्दोलनका कार्यक्रमहरु फिर्ता गर्ने, उपमहानगरपालिका कार्यालयमा अविलम्ब सूचना अधिकारीको व्यवस्था गरी आवश्यक सूचना प्रवाह गर्ने लगायतका ९ बुँदे सहमति भएको हाे।
गत पुस २२ गते नगरपालिकामा भएको घटनाको सन्दर्भमा दुवैतर्फ (नगरपालिका कर्मचारी र पत्रकार)द्वारा आन्दोलन जारी राखेपछि समस्या समाधानका लागि पहल भएकाे हाे। पत्रकार महासंघले सहमति भएका बुँदाहरुकाे कार्यन्वयन प्रक्रिया अघि नबढाइए आन्दोलनका कार्यक्रमहरु अगाडी बढाउन बाध्य हुने बताएको छ।
फाइल तस्बिर
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
