धनगढी– कैलालीको मसुरीया प्रदेशस्तरीय गौरीगंगा कप फुटबल प्रतियोगिता हुने भएको छ। गौरीगंगा नगरपालिका अन्तर्गतको कैलालीको मध्यवर्ती क्षेत्र मसुरीयामा चैत २६ गतेदेखि प्रथम सुन्दर सुदुरपश्चिम स्तरीय आमन्त्रित गौरीगंगा कप हुने लागेको हो।
चार लाख नगद पुरस्कार रहेको प्रतियोगिता नकआउटका आधारमा सञ्चालन हुने र १६ टीमको सहभागीता रहने आयोजक गौरीगंगा–११ स्पोर्टस क्लवका अध्यक्ष दिनेश कलेलले जानकारी दिए।
प्रतियोगिताको विजेताले नगद दुई लाख र उपविजेताले नगद एक लाख सहित ट्रफी पाउनेछन। उत्कृष्ट खेलाडीलाई नगद २५ हजार तथा उत्कृष्ट गोलरक्षक, मिडफिल्डर, सर्वाधिक गोलकर्ता, रक्षकलाई नगद ७ हजार र प्रत्येक खेलको म्यान अफ द म्याचलाई नगद २ हजार पुरस्कार दिईनेछ।
गौरीगंगा नगरपालिका वडा नम्वर ८ को रंगशाला वडैपुरमा हुने फुटवल प्रतियोगिताको माध्यमले मध्यवर्ती क्षेत्रमा नमुना रंगशाला वनाउने र मौलाउँदै गएको लागु औषध तथा दुव्र्यसनवाट जोगाएर युवाहरुलाई खेल तर्फ आकर्षित गर्ने उद्देश्य राखिएको छ । खेल तालिका र सहभागी टीमहरुको वारेमा प्रतियोगिताभन्दा अघि जानकारी दिने आयोजक गौरीगंगा–११ स्पोर्टस क्लवले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
