काठमाडौं– हाँस्य कलाकारद्वय सीताराम कट्टेल र कुञ्जना घिमिरेद्वारा संचालित धुर्मुस सुन्तली फाउण्डेसनले अन्तर्राष्ट्रिय क्रिकेट रंगशाला बनाउनका लागि जग्गा पहिचान थालेको छ।
कट्टेलले रंगशाला मैदान निर्माण स्थल छनोटका लागि जग्गाको खोजी, अध्ययन तथा अवलोकन गर्ने काम सुरु गरिएको जनाएका छन्। प्रदेश ३ का मुख्यमन्त्री डोरमणी पौडेलको साथमा धुर्मुस सुन्तली फाउण्डेसनको टोलीले भक्तपुर जिल्लाको चागुनारायण नगरपालिका वडा ४ स्थित पहेनडोलमा रहेको करिब १ सय २४ रोपनी जग्गा आज अवलोकन गरेको छ।
अन्तर्राष्ट्रियस्तरको क्रिकेट मैदान निर्माणका लागि उपयुक्त जग्गा अन्य स्थानमा भए जनाकारी दिन कट्टेलले अनुरोध गरेका छन्।
यसअघि कट्टेलले बिहीबार सामाजिक सञ्जालमार्तफ अन्तर्राष्ट्रिय क्रिकेट मैदान बनाउने घोषणा गरेका थिए।
अन्तर्राष्ट्रिय स्तरको क्रिकेट मैदान अपरिहार्य रहेको अनुरोध आएकाले निर्माण गर्ने घोषणा गरिएको बताइएको थियो।
गत महिना नेपालले एकदिवसीय मान्यता पाएपछि अन्तर्राष्ट्रिय मैदान निर्माणका लागि सरकार र नीजि क्षेत्रमाथि समर्थकले दबाब दिइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748936216.png)
-1748593223.png)
-1748872907.png)
