एजेन्सी– क्रिकेट बल टेम्परिङ काण्डमा दोषी पाइएका अस्ट्रेलियन क्रिकेटरत्रय स्टेभिन स्मिथ, डेभिन वार्नर र क्यामरन बेनक्रफ्ट स्वेदश फर्किएका छन्।
बुधबार दक्षिण अफ्रिकाबाट स्वदेश फर्कने क्रममा स्मिथले गालिको सामाना गर्नु परेको छ। कडा सुरक्षाका बीच जोहानेसवर्ग एयरपोर्टमा पुगेपछि उनलाई समर्थकले 'चिटर, चिट' जस्ता शब्दले चिच्याएका थिए। मिडिया र समर्थकको एयरपोर्टमा बक्लो उपस्थित भएपछि स्थिमलाई सुरक्षा दिएर अघि बढाउन सुरक्षाकर्मीलाई हम्मेहम्मे परेको थियो।
यता वार्नरले अस्ट्रेलिया पुगेपछि खेल भावना विपरितको काम गरेकोमा माफि मागेका छन्। उनले आफुले गल्ति गरेको स्विकार गर्दै माफि मागेका हुन्। उनले अहिले आफू आराम गर्न चाहेको र पछि आधिकारिक धारणा दिने बताएका छन्।
दक्षिण अफ्रिकाविरुद्धको तेस्रो टेस्टका दौरान ओपनिङ ब्याट्सम्यान क्यामरन बेनक्रफ्टले बल टेम्परिङ गरेका थिए। बलिङमा ‘स्विङ’ ल्याएर ब्याट्सम्यानलाई आउट गर्ने उद्देश्यका साथ पूर्वनियोजित रुपमा टेम्परिङ भएको खुलेपछि उनीहरुमाथि कारबाही गरिएको थियो।
स्मिथलाई र वार्नरलाई १–१ वर्ष तथा बेनक्रफ्टलाई ९ महिनाको प्रतिबन्ध लगाइएको थियो। साथै स्मिथलाई २ वर्ष र वार्नरलाई आजिवन कप्तान बन्न पनि रोक लगाइएको थियो। अस्ट्रेलियन क्रिकेटले अनुसन्धानपछि प्रतिबन्ध लगाउने निर्णय गरेको थियो।
प्रतिबन्धसँगै स्मिथ र वार्नले आइपिएल पनि गुमाउँदैछन्। स्मिथ राजस्थान रोयल्स र वार्नर सनराइजर्स हैदरावादमा आवद्ध थिए। दुवै खेलाडी टिमका कप्तान थिए। आइपिएल आगामी साताबाट सुरु हुँदैछ।
दक्षिण अफ्रिका विरुद्धको टेस्टका दौरान अस्ट्रेलियाका ओपनिङ ब्याट्सम्यान क्यामरन बानक्रफ्टले बल कोट्याएर स्वरुप परिवर्तन गर्न खोजेको सार्वजनिक भएको थियो। ओपनिङ ब्याट्सम्यान बानक्रफ्टले न्युल्यान्ड टेस्टका दौरान बल कोट्याएर स्वरुप बिगारेको टेलिभिजन स्क्रिनमार्फत प्रत्यक्ष रुपमा सार्वजनिक भएको थियो।
घटना दक्षिण अफ्रिका विरुद्धको टेस्टको तेस्रो दिन शनिबार भएको थियो। लगत्तै क्रिकेट अस्ट्रेलियाले स्मिथ र वार्नरलाई अस्ट्रेलियाको कप्तान र उपकप्तानबाट हटाइएको थियो। बल कोट्याएर स्वरुप बिर्गादा ब्याट्सम्यानलाई खेल्न अप्ठ्यारो हुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
