बुटवल– तेश्रो मदन भण्डारी अन्तर्राष्ट्रिय गोल्डकप फुटबल प्रतियोगिताको दोश्रो क्वाटरफाइनल खेलमा एपिएफलाई पेनाल्टी सुटआउटमा ३–१ गोल अन्तरले हराउँदै साबिक विजेता सेमिफाइनलमा प्रवेश गरेको छ।
बुटवलको रामनगरस्थित मानव ज्ञान माविको मैदानमा भएको खेलको निर्धारित समयमा २–२ गोलको बराबरी खेलेका सुनौलो संगम र एपीएफले थप गरिएको १५ मिनेटको समयमा कुनै गोल गर्न नसक्दा खेल पेनाल्टी सुटआउटतर्फ लम्कियो।
पेनाल्टीमा सुनौलो संगमकाआशिष थापा, सुरज हमाल र जनक कार्कीले आफ्नो प्रहारलाई गोलमा परिणत गरेका थिए। भअजित थापा र पुर्णवहादुर गुरुङको प्रहारलाई एपिएफका गोलरक्षकले बचाएका थिए । एपिएफका लागि एक मात्र गोल नबिन लामाले गरेका थिए। रमेश दंगाल र रबि थिङको प्रहार सुनौलो संगमका गोलरक्षकले बचाएका थिए भने तेमिलन राईले बाहिर प्रहार गरेका थिए।
यस अघि एपिएफका युवराज खड्काले ४५ औं मिनेटमा गोल गदै टिमलाई अग्रता दिलाएका थिए । सुनौलो संगमका अमृत थापाले ५२ औं मिनेटमा गोल गदै १–१ गोलको बराबरीमा ल्याएका थिए।
खेलको ६३ औ मिनेटमा एपीएफका युवराज खड्काले दोश्रो गोल गदै पून टिमलाई २–१ गोलको अग्रता दिलाएका थिए । एपिएफका मिलन राईको डियरी भित्र भएको हेन्डबलले सुनौलो संगमलाई खेलमा फर्काएको थियो। सुनौलो संगमका आशिष थापाले ७४ औं मिनेटमा पाएको पनाल्टीलाई गोलमा परिणत गरे पछि खेल २–२ को बराबरीमा समाप्त भएको थियो ।
सुनौलो संगमका नितिन थापा म्यान अफ द म्याच चुनिए ।
प्रतियोगिता अन्तर्गत तेश्रो क्वाटरफाइनल थ्रीस्टार र मलेसियाको हिमालय एफसीबीच बुधवार हुनेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
