काठमाडौं– नेपाली राष्ट्रिय क्रिकेट टिमका लेग स्पिनर सन्दीप लामिछाने मंगलबार भारतको दिल्ली जाँदैछन्।
सन्दीप इण्डियन प्रिमियर लिग (आइपिएल) टिम दिल्ली डेयरडेभिल्समा गत महिना ३२ लाख रुपैयाँमा आवद्ध भएका थिए। आइपिएल सुरु हुनुअघि हुने अभ्यास क्याम्पमा भाग लिन सन्दीप दिल्ली उड्न लागेका हुन्।
दिल्ली प्रस्थान गर्नुअघि उनले विगत ४ वर्षदेखिको कडा परिश्रमले आइपिएल टिममा आवद्ध भएको बताए। उनले आफ्नो यात्रामा थोरबहुत भाग्यले साथ दिएको पनि बताए। 'भाग्यले धेरै साथ दिँदैन । कडा परिश्रमले यहाँसम्म आइपुगेको हुँ,' उनले भने, 'मेरो क्रिकेट करिअर यहाँसम्म आइपुग्नुको करण कडा परिश्रमले हो। सजिले तरिकाले नेपाली टिमको क्याम्पमा आइपुग्दा भाग्यले साथ दियो। तर चार वर्षमा मैले कडा परिश्रम गरे। जसले मिहिनेत गर्छ भाग्यले पनि त्यसलाई साथ दिन्छ।'
उनले आफुले आइपिएल खेल्दा नेपाली क्रिकेटका लागि पनि सफलता हुने समेत बताए। उनले भने 'सवै खेलाडीका लागि ठूलो सफलता हो। अहिलेसम्म नेपाल टिमका लागि खेलिरहेको थिए। त्यो भन्दा फरक प्लेटफर्ममा जाँदैछु। उत्साहित छु। नयाँ खेल, नयाँ प्रारुप छ। त्यहाँबाट धेरै सिकेर नेपाली क्रिकेटमा लागु गर्नेछु।'
उनले दिल्लीसँग निरन्तर सम्पर्कमा रहेको बताउँदै सबैको साथ र सहयोग भएको बताए। 'आइपिएलमा मेरो यात्रा भिन्न प्रकार हुन्छ। आइपिएल सुरु भएदेखि अन्त्यसम्म हरेक कुरा नयाँ हुन्छ। त्यो सिक्छु। नेपाली क्रिकेटका लागि पनि राम्रो हुन्छ,' उनले भने।
मंगलबार दिल्ली पुगेपछि उनको फोटो तथा भिडियो सुटिङ हुनेछ। त्यसपछि मेडिकल टेस्ट पनि हुनेछ। बिहीबारदेखि दिल्लीको अभ्यास सत्र सुरु हुनेछ।
उनले आफुले आइपिएलमा राम्रो खेल्न सके नेपाल टिम र भविष्यमा अरु सिनियर क्रिकेटरले पनि मौका पाउन सक्ने बताए। उनले पहिलो रोजाइमा खेल्ने विषय प्रशिक्षक र कप्तानको हातमा रहेको बताए।
उनले आफुले दिल्लीबाट आइपिएल खेलेपनि नेपालको लागि खेलेरहेको जस्तो मससुस हुने समेत बताए।
लेग स्पिनरको रुपमा खेल्नु अवसर भएको बताउँदे उनले अघि भने, 'त्यहाँ सिक्ने धेरै कुरा छ। हाम्रो टिममा अमित मिश्रा हुनुहुन्छ। उहाँको अनुभवबाट धेरै सिक्ने ठाँउ छ।'
आपिएल खेल्दा कुनै डर नहुने बताउँदै उनले हरेक खेलाडीको जीवनमा उतारचढाव हुने बताए। 'इमान्दार भएर राम्रो काम गर्यो भने डर हुँदैन, ' सन्दीपले भने, ' खेलाडीको जीवनमा उतारचढाव भइरहन्छ। उतारचढावलाई कसरी ह्यान्डल गर्ने आफुमा भर पर्छ। यदि राम्रो गरिरह्यो भने कुनै डर हुँदैन।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
