काठमाडौं- उदीयमान बजारका लागि विश्वको अग्रणी मनोरंजन प्रदायक आइफ्लिक्सले धनगढी प्रिमियर लिग (डिपिएल) को विशेष अनलाइन प्रसारण गर्ने भएको छ।
प्रतियोगितामा नेपालमा पहिलोपटक नेपालका आइफ्लिक्स सब्सक्राइबर/ग्राहकले लाइभ हेर्न पाउनेछन्। प्रतियोगिता सकिएपछि पनि आफूलाई मन पर्ने खेलहरू अनलाइनमै हेर्न वा डाउनलोड गरेर पनि हेर्न सकिनेछ । साथै यसमा सबै १९ खेलका हाइलाइट पनि छुट्टै रहनेछन् ।
आईफ्लिक्स नेपालकी कन्ट्री म्यानेजर भावना घिमिरेका अनुसार नेपालमा पहिलोपटक नेपाली क्रिकेटप्रेमीहरुले डिजिटल प्लेटफर्ममार्फत अनलाइन क्रिकेटको लाइभको आनन्द लिन सकिनेछ। उनले भनिन् 'सबैको प्रतीक्षामा रहेको यो प्रतियोगिता जुनसुकै ठाउँमा जतिबेला पनि अनलाइनबाट हेर्न सकिनेछ । क्रिकेटजस्तो जल्दोबल्दो मनोरन्जन अनुभव नेपालका क्रिकेटप्रेमीहरूमाझ पस्कन पाउँदा हामी एकदमै उत्साहित छौं र रुस्लान डीपीएल-२ को एकमात्र अनलाइन प्रसारण प्लेटफर्म हुन पाएकोमा खुसी छौं । '
आईफ्लिक्स र एनसेल प्राइवेट लिमिटेड (एनसेल) बीच हालै घोषणा भएको साझेदारी अनुसार एनसेल ग्राहकहरुलाई आइफ्लिक्सको असीमित पहुँच हुनेछ। डीपीएल २ लाई पाँच वटासम्म उपकरणमा लाइभ स्ट्रिम गर्नको लागि एकदम अवसर हो। एनसेलका ग्राहकले आइफ्लिक्सका शोहरुको स्ट्रिमिङ र डाउनलोड गर्नका लागि विशेष एनसेल डाटा प्याकेजको पनि आनन्द लिन सक्नेछन l
बंगलादेशको निदास ट्रफी-२०१८ र टी१० क्रिकेट लिग, इन्डोनेसियाको फुटबल इन्डोनेसियाज लिगा १, ग्लोबल फेनोमेनल मेवेदर र म्याकग्रेगरको भिडन्त, रमाइलो खेल डोटा २ (DOTA2) का लागि इ-स्पोर्ट प्रतियोगिता र मलेसियाको हालसालै घोषणा गरिएको फुटबल लिग पनि आईफ्लिक्सको अनलाइन खेलकुद स्ट्रिम अफर थिए।
आईफ्लिक्सका बारेमा
विश्व उदीयमान बजारमा आइफ्लिक्स एउटा अग्रणी मनोरन्जन सेवा प्रदायक हो जसले प्रयोगकर्तालाई हजारौं टीभी शो, सिनेमा तथा अन्य धेरै सेवाको असीमित पहुँच (अनलिमिटेड एक्सेस) प्रदान गर्दछ । सबैको प्रिय कमेडी, ड्रामा, के–ड्रामा, टर्किस ड्रामा, बलिउड, नलिउड, कार्टुन्स, सिनेमा, लाइभ खेलकूद, तथा हलिउड देखि संयुक्त अधिराज्य, एशिया, मध्यपूर्व र अफ्रिकाका लोकप्रिय कार्यक्रम डाउनलोड वा स्ट्रिम गर्ने सुविधा हरेक व्यक्तिको आफ्नो औलामा पुर्याउने काम आईफ्लिक्सले गर्दछ । महिनाको एकपल्ट कम मासिक शुल्कमा ग्राहकले आफूलाई मनपर्ने कार्यक्रम ल्यापटप, ट्याब्लेट, टीभी आदीमा जहाँपनि र जहिलेपनि हेर्न पाउँछन्।
हाल आईफ्लिक्सका सेवा मलेसिया, इण्डोनेशिया, फिलिपिन्स, थाईल्याण्ड, ब्रुनाई, श्रीलंका, पाकिस्तान, म्यानमार, भियतनाम, मालदिभ्स, कुवेत, बहराइन, साउदी अरेबिया, जोर्डन, इराक, लेबनान, इजिप्ट, सुडान, कम्बोडिया, नाइजेरिया, केन्या, घाना, नेपाल, बंगलादेश र जिम्बाबेमा उपलब्ध छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
