एजेन्सी– दक्षिण अफ्रिका विरुद्धको टेस्टका दौरान अस्ट्रेलियाका ओपनिङ ब्याट्सम्यान क्यामरन बानक्रफ्टले बल कोट्याएर स्वरुप परिवर्तन गर्न खोजेको सार्वजनिक भएपछि क्रिकेट अस्ट्रेलियाले अनुसन्धान गर्ने भएको छ।
अनुसन्धनका लागि हेड अफ इन्टिग्रिटी इयान रोए र हाइ पर्मफेन्स म्यानेजर पाट हवार्ड दक्षिण अफ्रिका जाने भएका छन्। क्रिकेट अस्ट्रेलियाका सिइओ जेम्स सउदरल्यान्डका अनुसार 'बल कोट्याएर स्वरुप बिगार्ने' कान्डमा संग्लनमाथि उनीहरुले अनुसन्धान गर्नेछन्।
ओपनिङ बानक्रफ्टले न्युल्यान्ड टेस्टसका दौरान शनिबार 'बल कोट्याएर स्वरुप बिगारेको' टेलिभिजन स्क्रिनमार्फत प्रत्यक्ष रुपमा सार्वजनिक भएपछि आइसिसीले उनलाई कारबाही गरिसकेको छ।
खेलपछि कप्तान स्टिभ स्मिथ र बानक्रफ्टले घटना बारे प्रतिक्रिया दिँदै माफी मागेका थिए।
कप्तान स्मिथले आफ्नो कप्तानीका दौरान भएको घटनाबारे माफी माग्दै भनेका छन्, 'यो खराब बिकल्प हो। घटनाबारे हामीलाई पछुतो छ। यो खेल भावना विपरिको काम हो । मलाई अत्यन्त दुख लागेको छ।'
यता क्रिकेट अस्ट्रेलियाका सिइओ साउदरल्यान्डले पनि घटनाबारे दुख व्यक्त गरेका छन्। उनले भने, 'अत्यन्त दुखी र हैरान भएका छौ। हामीले घटनाबारे गम्भिर रुपमा लिएका छौं। घटनाबारे अस्ट्रेलिया क्रिकेट फ्यान खुसी छैनन् । यो दिन अस्ट्रेलिया क्रिकेटका लागि दुखद् दिन हो।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_k6NyB2pvBh-1772612065.jpg)
-1764146706.png)
