राजविराज– मोटरसाइकल चोरीको आरोपमा प्रहरीले सप्तरीमा चार जनालाई पक्राउ गरेको छ।
चोरी गरी नम्बर परिवर्तन गरेर सञ्चालनमा ल्याइएका ५ थान मोटरसाइकलसहित छिन्नमस्ता गाउँपालिका १ का ३० वर्षीय सञ्जय यादव, डाक्नेश्वरी नगरपालिका ४ का १८ वर्षीय सञ्जयकुमार यादव, राजविराज नगरपालिका ७ का १८ वर्षीय प्रदीपकुमार राम र १९ वर्षीय राजेशकुमार रामलाई पक्राउ गरिएको प्रहरीले जनाएको छ।
चारै जनालाई मोटरसाइकल चोरी शीर्षकमा मुद्दा दर्ता गरी जिल्ला अदालतबाट म्याद थप गरी आवश्यक कानुनी कारबाही भरहेको सप्तरीका डिएसपी ध्रुवकुमार श्रेष्ठले जानकारी दिए।
यस्तै, अवैध रुपमा भारत निकासी हुँदै गरेको १ हजार लिटर डिजल र स१त ६३९७ नम्बरको ट्याक्टरसहित प्रहरीले शनिबार वोदेवरसाइनका दुई जनालाई पक्राउ गरेको छ।
वडा नम्बर ९ का ४३ वर्षीय इन्दल साह र २७ वर्षीय प्रह्लादकुमार यादवलाई प्रहरीले पक्राउ गरेको हो। डिजल र ट्याक्टरसहित दुवै जनालाई आवश्यक कारबाहीका लागि राजविराज भन्सार कार्यालय तिलाठीमा बुझाइएको प्रहरीले जनाएको छ।
यसैगरी, भारतीय बजारबाट भन्सार छली गरी नेपाल भित्र्याइएको १ लाख ३० हजारको कपडा बरामद भएको छ। बलानबिहुल गाउँपालिका ४ बाट बरामद भएको कपडा समेत भन्सार कार्यालयमा बुझाइएको सप्तरीका डिएसपी श्रेष्ठले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768538433.png)
-1764146706.png)
-1768395492.png)
