बुटवल– मोफसलमा सर्वाधिक रासिको तेस्रो भण्डारी अन्तराष्ट्रिय गोल्डकप नकआउट फुटबल प्रतियोगिताको उद्घाटन खेलमा आयोजक मदन भण्डारी स्पोर्ट्स् एकेडेमी काठमाडौंले विजयी शुरुवात गरेको छ।
बुटवलको रामनगरस्थित मानवज्ञान माविको खेल मैदानमा भएको खेलमा सुदुर पश्चिम ११ लाई ५–१ गोल अन्तरले हराउंदै आयोजक क्वाटर फाइनलमा प्रवेश गरेको छ ।
मध्यान्तर अघि १–१ गोलको बराबरी भएकोमा दोस्रो हाफमा आयोजक टिमले एकतर्फी चार गोल गरेको थियो। तीन विदेशी खेलाडीसहित मैदानमा उत्रिएको आयोजकको जितमा प्रकाश बुढाथोकीले खेलको १८ औं र ६४औं मिनेटमा दुई गोलको योगदान गरे भने विदेशी खेलाडी अबाले ७१ औं मिनेटमा, विशव अधिकारीले ७७ औं मिनेटमा र दिपेश आलेले ८९ औं मिनेटमा गोल गरेका थिए ।
सुदुर पश्चिमका लागि एक मात्र सान्त्वना गोल पूर्ण अन्जन बैंजूले ४४ औं मिनेटमा गरेका थिए । प्रतियोगिताको दोस्रो खेल आइतबार झापा ११ र एपीएफ क्लबबीच हुनेछ ।
प्रतियोगिताको राष्ट्रपति बिद्यादेवि भण्डारीले गरेकी थिईन । उनले खेलाडिलाई बल हस्तान्त्रण गरेर खेलको उद्घाटन गरेकी हुन् ।सवा करोड लागतमा हुने गोल्डकपमा ए डिभिजन क्लव सहित दश टिमको सहभागिता हुदैछ । प्रतियोगितामा मलेसियाको हिमालय फुटवल क्लवले समेत सहभागिता जनाउने आयोजकले जनाएका छन्।
प्रतियोगिताको विजेताले १५ लाख र उपविजेताले ७ लाख ५० हजार नगद पुरस्कार प्राप्त गर्नेछन् । सेमिफाइनल पुग्ने टिमले १÷१ लाख पाउनेछन् भने उत्कृष्ट खेलाडीलाई समेत नगद पुरस्कार प्रदान गरिने मदन भण्डारी स्पोट्र्स एकेडेमीका प्रदेश नम्बर ५ अध्यक्ष नरबहादुर घर्तीले जानकारी दिए
प्रतियोगितामा नेपाल आर्मी, थ्रि स्टार, मलेसियाको हिमालयन फुटवल क्लव, झापा ११, एपिएफ क्लव, सुनौलो संगम, मनाङ मस्र्याङदी र नेपाल प्ुलिस सहभागि हुनेछन् । प्रतियोगिताको फाइनल चैत १९ गते हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
